學歷低點先可以升上大學 / 同等既程度??

如果你要一開始就直上大學，咁應該只有香港公開大學會適合你
基本上，不論乜野學歷都可以報讀，分別就係學分減免有多少
以你情況，應該申請唔到學分減免
一個普通degree來說，最少要120個學分，而每一學分大約需要一千元，即大約需要十二萬元。一年大約可以完成30學分(三萬)，即四年就可以大學畢業

另一條路，學費唔平得幾多，時間就會長好多，但可以有其他大學選擇
首先讀毅進課程，之讀文憑，然後讀高級文憑，最後升上大學，可能要十年左右才能完成大學

當然有得必有失，雖然公開大學在香港都得到承認，如果為左得到一張「入場券」，都不失為一個選擇。但為了追求真正學術智識，那或許會有所不足。當然，由於始終係大學課程，加上遙距教學，即係自學，對於根基不好的學生來說，會頗為吃力

十年苦讀，一來可以磨練個人意志，還有一個良好的根基，會是一個不錯的選擇

另一個問題就是....你選擇好了學科沒有?未必每間大學都有你所想要報讀的學科的，那還要小心揀選

其實有幾個途徑可以上大學
1-讀IVY->Higher diploma->讀連接課程的遙距大學(如澳洲,美國,英國的大學課程)
->或考最top幾名->以non jupus身份入讀香港9間大學
2-重讀會考(報讀夜校)->拎14分上中六->A-level夠分->上香港9間大學
3-讀副學士->考最top幾名->以non jupus身份入讀香港9間大學
4-到外國升學->報考國外的中學,再以當地的途徑上大學
->或讀至一定程度回流香港以non jupus身份入讀香港9間大學
5-就讀公開大學課程

不過其實起香港讀大學真係好難好難好難
莫講話3科合格,就算會考14分都難以入大學
我識既人當中,甚至有拎24分既人入唔到大學(並非有特別問題出現的情況下)
因此循一般程序上大學(即會考->中六->al->大學)係唔化算,兼失敗率好高,但如有信心發奮圖強,在兩次考試中取得佳績,這會是最快最平在香港升學的方法,約用3-4年(中四/五至中七)

最好的辦法是去外國讀書,有絕大機會可以不斷升學,有人曾經會考0分,最後去美國讀到博士學位
然而,去外國實在非常昂貴,如家中不能afford去歐美(一年約至少20萬),可以考慮去台灣讀書,因為價錢廉宜,而且程度較低容易讀,加上有非常多大學,但係要考慮香港官方未必承認學位

而讀副學士基本上好大程度係騙人,一來非常昂貴,二來除非自己可以能在數千個副學士學生之中排名前,否則冇咩可能入大學,但係有讀至少有個"associate degree",個名好聽d

而IVY或者是最諗得過的,因為它所發的cert政府承認,而對工作亦有幫助,加上有唔少IVY課程有外國大學的遙距課程連接,只要比得起每年約4萬的學費,讀夠3-4年畢業,會有個政府認可的大學學位
但這個方法十分耗費時間....以我家人為例,他用了10年時間才取得一個學位

2008-01-11 01:01:25 補充：
係all by myself, sor=0=