出生時有無一D証明就已經知道自己咩血型？

嬰兒出生後, 出院時會有一張轉介去健康院既表格, 係有得填血型既. 不過, 好多時如果bb健健康康, 唔一定會同佢驗血, 就會漏空個格.
如果有初生嬰兒黃疸[都好常見], 有可能係由於和母親血型不同引致, 就會驗, 亦會記低係出院個張表格度.
健康院出既每個bb一本紀錄簿, 你有冇收藏好? 即係男仔用淺藍色封面,女仔用粉紅色封面個本呢. 如果出院表格有記載血型, 都會抄返係健康院紀錄簿度. 通常小學畢業時, 學校就會比返d針卡[防疫注射紀錄]同呢本健康院紀錄比返你架. 快d搵下啦!
在下就係第一次捐血之後攞到個血型心口針, 至知自己咩血型既. 你16歲有父母同意就可以捐血, 到時就一定會知!

2008-01-25 09:40:26 補充：
仲有, 以往中學既科學/生物實驗室有機會有驗血用既 anti-A 和 anti-B. 由於現時d人怕血液傳染病既關係, 唔係好敢比同學做呢種實驗, 可能已經冇再買啦. 你要就問實驗室的技術員啦, 亦可以係d科學儀器公司買到... 不過, 冇老師係度, 都係唔好自己胡亂試.

只要知道你父母血型的基因型(A,B,i)....就可以推算到你係咩血型...

你幾多歲呀! 如果二十歲以下, 一出生醫院你有埋血型記錄的, 但二十歲以上我就唔知有冇, 你可以去捐血, 驗身都可以知道咩血型的.