泰國旅行(幫幫忙呀)

建議行程:
DAY 1-DAY2: 可以入芭堤雅玩水上活動及游水.
DAY 3:
出番去曼谷後, 去酒店CHECK IN及放抵所有行李後, 可以去遊覽湄南河, 傍晚去四面佛及附近的大型購物中心SHOPPING. 如果持有旅遊證件去大型購物中心SHOPPING, 可以申請退稅的, 詳情請在付款時向收銀員查詢, 他們會好樂意教你怎樣辦理的.

DAY 4:
如果D一日你星期六OR星期日的話, 早上可以去翟道翟跳蚤市場. (翟道翟逢WEEK END才開門做生意的). 翟道翟的地方好大, 可以行足一天的. 入面佢分了好多個不同的區域, 如服裝區/家庭用品區/手工藝品區....等. 所以你去到翟道翟的時候, 可以在大門口或各主要通道睇左地圖先, 然後按自己想要買什麼or睇什麼來決定去邊個區域的先後次序. 不過去翟道翟的話, 要帶備足夠的飲用水/帽及防曬用品, 因為翟道翟在中午時份會好曬及好熱的, 所以要帶齊以上的物品以防中暑. 傍晚可以去Let's Relax做spa, 我之前幫襯過Let's Relax, 佢地既師傅的手勢及服務態度都唔錯, 而且環境舒適乾淨. 不過最好去做之前打個電話去預約左先, 因為佢有好多人去幫襯的, 如果沒有預約的話就上左去的話, 可能未必即時安排到師傅幫你做spa的. 你可以去Let's Relax的網站睇到佢既地址/電話及價目表: http://www.bloomings pa.com/index.php 做完spa後, 可以去Let's Relax附近的Baan Saranrome食晚飯. 這間飯店是以五世皇時代佈置為主題的泰國餐廳. 地址: 10/9-10 Sukhumvit Soi 39,Bangkok. Tel: 662-2602787 營業時間5:00pm-10:00pm

DAY 5:
D一日可以去泰國夢幻樂園(Dream World)玩機動遊戲及影相, 園內有好多得意別緻的3D公仔(有D有成個人咁大的)供遊人影相. 你可以去Dream World的網站睇下點樣去: http://www.dreamworl d-th.com/english/ind ex.php 如果玩完泰國夢幻樂園, 你亦都可以去Safari World理生動物世界睇動物的, 有關這個野生動物園的資料可參閱其網站:
www.safariworld.com 晚上可以去唐人街行食晚飯, 果度的海鮮及魚翅都唔錯, 而且林真香的鋪位都係位於唐人街的, 食完飯可以去林真香買一些肉乾或者泰國特產做手信. 如果你買完林真香手信仲想行多一陣街, 但又拿住一袋二袋唔方便的話, 可以要求林真香提供免費送貨服務(當然是要買了一定數量及酒店位於曼谷市內才可以送貨, 數量方面: 我上次夾埋我D FRIEND都夠架啦), 佢地會將你所買的手信送到去你所住的酒店大堂後交給酒店職員保管住先. 當你回到酒店之後, 酒店職員便會交番D野比你的. 不過你大可以放心, 林真香的老板是懂得講廣東話的, 所以你只要比你既酒店名稱及房間號碼佢,佢就會識得送去酒店, 根本唔駛擔心溝通唔到的問題.
DAY 6:
由於唔知你班機幾時起飛回香港, 所以最好都係去機場附近SHPOOING.
You can vist this web-site to get more Thailand Travel informations: http://www.thailandf ans.com/second.html

你可以去睇一d旅遊書

其實如果你想知多D,可以去書局睇下泰國旅遊書咖,講得幾詳細咖。

你住邊間酒店呀？如果係新酒店，基本上佢哋都會提供所有日常用品，如浴巾、毛巾、shower gel、shampoo、conditioner、soap、牙膏、牙刷、浴帽、等等。

我住嗰間，就有齊所有嘢，連洗衣粉都有埋。仲要係每日補充喎！

其實，宜家好多酒店都有風筒提供，我住嗰間仲有埋熨斗同熨衫板。如果你想知自己住嗰間有冇提供，你可以上去佢哋個網址睇下，因為佢哋會 list out 所有酒店提供o既設施同設備。

去 5日要帶幾多套衫，真係好睇人。因為有啲人去到就會買，買完就即著，所以唔使點帶。好似我咁，我只會帶一條短褲、一條牛仔裙、同埋著上機條牛仔褲。衫就會帶 3-4 件囉。因為我係即買即著嗰種人。哈哈！

袋方面，我自己鍾意帶大袋。方便買完嘢裝住，唔使一抽兩抽咁。其實，斜孭係最舒服，不過都係睇自己鍾意啫。我好瘋狂咁，喺嗰邊掃咗三個大袋呀，同埋好多宜家流行o既細袋 。哈哈！因為好抵！

祝你有個愉快旅程！