寵物美容一問..

有與趣而年輕，當然學多D野就最好啦，但必須有心理預備，呢行係服務性行業，即係話，人地最開心 放假 去玩既日子，你就係最辛苦同冇自由既，通常上班時間會在11点至晚上9点，假如你係活躍好動又多朋友，咁呢行就似乎.......想清楚就唔駛哂時間啦！
現時你想穩份學徒亦唔容易架，一般非旺舖都係老细自己一腳踢，因閒時生意足，只有靠假期幫補才得以營運。
去圖書館或買本寵物閒情睇睇，內裡有好多相關資料的。

邊學邊做。
我都係咁樣，不過開頭做就會辛苦D，一日淨係同狗沖涼，仲可能是十幾隻，一路做，一路進修，如果你自己有養狗的話，得閒就自己幫佢剪吓毛，咁應該會快上手。

你可以上一d 基礎班睇下有冇興趣先. 每一份工作都有令人唔鍾意既野, 在於你能唔能夠接受. 如果認清目標, 咪比d耐性同時間去做, 一定可以做得到.

我建議你找間寵物店做下先,因為這行是非常辛苦,臭,
看下別人怎麼做,覺得自己可以做到幾多,一個好美容師真是很難做,
都要有天份. 祝你好運!

做寵物美容當然個人要有興趣同有愛心先可以做到...

但我要比你知道人工絕對唔多...亦唔需要修讀寵物美容...

因為你修讀過寵物美容你再去寵物既行業...佢地都當你學徒...

同埋寵物店係一路做係一路學...但一定要你o係公司做返咁上下時間先會教你...

初初我同你諗法都一樣...所以你都要諗清楚....