我四十一歲,已婚有兩子,大的已二十歲,和太太感情淡了,舊年轉了新公司,認識了一位二十五歲女仔,大家很夾可以傾到心事,本人已愛上她,要與太太離婚再與她組織新家庭,雖然太太曾比機會我回頭,但我已提出分居已達十個月,但我對她沒太大信心,之前她說如我立即離婚便嫁我,但要等兩年太耐,現在不提了!我還以為搬出來便同居,但她以外婆年紀大為理由拒絕了,本人感覺到她對我的愛沒有當初強烈,是否熱情已過或是有婦之夫,有挑戰性,得到手後又不希罕!但她講過會嫁我還會為我生兒育女,如我堅持離婚,只要給她看見我的真誠,會嫁給我嗎?我們之間存在兩大問題(1)是年紀我大她十五年,(2)是經濟我現在免強可養活自己,她也要共養父母和外婆,我們是否會有將來!
更新1:
我想知道個女仔是否對我真心,因為搬出來住要交租,到月尾份糧以所淨無幾,有次我病了沒錢看醫生,她說:我借住比你先囉!語氣有點不屑!最後我沒有接受,是否我還未離婚,她驚我會回到太太身邊,在此階段她不會對我付出,我覺得她性格自我,雖然我們已發生關係,但感受不到好像太太關心的感覺,是因為她年紀尚輕不僅照顧人吧!如果結婚後會有好轉嗎?
看不到你們的將來呢!我的朋友都係四十有外遇(二十一歲)!依家同外遇(三十二歲)仲有兩個小朋友(八歲和五歲)!但一D都唔開心!又要養前妻!又要養外遇同兩個小朋友!現在五十多歲人!前妻的兒女都不應他做父!抱孫一下也不許!唯前妻也不時照顧他!他也後悔說: 到我六十歲想退休享孫福都難!只怪當初一時衝動同個女既一齊!依家老比唔到多佢!怕會帶綠帽!女人三十狼虎年呀!
你同你老婆之前"大家很夾可以傾到心事"!才會有二十歲的仔!你既年齡係要安排日後點樣享福!情欲D野一時新鮮!過後都會"淡"!睇你想老來享福定係仲要辛苦勞累!路自已選!不要後悔當初!
個女仔唔係大陸人一定唔會同你"矣"!她仲有大把時間選擇!你...所剩無幾!不如想下點同老婆打開心窗傾心事!佢會原諒你!你也說"感受不到好像太太關心的感覺"!其實你太太好關心你!不過你唔識珍惜她!你對她好D!她會對你更加好!你掛住做野睇唔到太太既好!
回頭是岸呀!
日子耐左,你會營為依個女人會陪你到老o羊,就算俾你搵到又點者,你甘大年紀,相信依個女人貪你有d$,返回自已老婆身邊
已婚迷茫的男人:
回頭是岸 ! 今日你負人, 他日人負你
首先，你確定她一定愛你嗎？這個年代發生關係並不是什麼一回事，「很夾可以傾到心事」，過去你跟太太也有過這一段美好時光；這一定代表一生一世的嗎？？
另一方面，你亦憑什麼去娶她？你可以負擔一個婚禮的開支嗎？你說過你連看醫生的錢也沒有，一個連照顧自己也不好的男人，如何去照顧她、帶給她幸福？
一個比你兒子大５年的女孩子，年輕貌美，本來前途無可限量，卻因為你而成為了第三者，可是她是否甘心做這個第三者？你一心想與她組織家庭，那她是否願意？你又憑什麼去組織一個新家庭？？你認識了她後便跟太太感情轉淡，說好一點的確是感情轉淡，說難聽一點是見異思遷；那你們的感情日後又會轉淡？
她這麼一個年輕的女子，你叫她怎樣去面對她的家人、親戚朋友？還要是一個窮人，你沒有風風光光去娶她，你叫她的面子放在那兒？你估還是二十年前的嗎？簡簡單單去註冊，然後兩夫妻同甘共苦、共渡難關？
你又說什麼「有婦之夫，有挑戰性，得手後又不希罕」，我覺得真得很好笑！如果你是一個專一的丈夫，就算她在你面前脫清光，你也不會愛上她；相反，我想問你，你對你的太太是不是「絕色美人，有挑戰性，得手後年紀大就不希罕」？一個不專一的男人，你叫一個女子如何對你有信心？如何面對將來的人生？
你只關心自己付出的感情會不會開花結果、有收獲，同時請你好好回想一下，你太太到現在仍給你回頭的機會，你有沒有關心一下與你同甘共苦了二十年的太太，她所付出的感情有沒有結果？最終換來的是一句「我對你的感情淡了，沒有感情了」！男人！！
圖片參考：
http://hk.yimg.com/i/icon/16/57.gif
真可笑！
最後，你說「是因為她年紀尚輕不懂照顧人吧！如果結婚後會有好轉嗎？」。你跟她結婚就只是「想娶一個年輕貌美的女子照顧自己」！？？為什麼男人總是想娶一個人來照顧自己，而不是去照顧自己所愛的女人！？？我老公曾答我說：「那我娶你幹什麼？」我也問我老公：「如果事無大小都是我自己做的，那我嫁給你幹什麼？倒不如自己一個人生活，總比要看人面色的日子好得多！！」
參考: 現年二十多歲已婚的我
點解你咁自私架，一句同你太太感情淡左，就拋棄一個為你同埋個屋企付出左20年既女人，你太過份啦! 25歲既女仔對於你可能真係好吸引，連自己既良心，同理智都埋沒，你清醒d啦，其實你知道個女仔對你係點，不過你好似重係度發緊夢，重呃緊自己! 個個人都想一生人都精精彩彩，但最緊要係睇自己既能力同須要! 你本來有一個雖然平淡但溫暖既家，有太太、有仔女，但因為你自己既自私，你傷害左愛你、信任你既家人，請你再唸清楚，同你生活左20年既人，就係因為你一句感情淡左而比你拋棄左既人，佢地有咩感受?? 佢地會有幾失望??會有幾傷心?? 喂!喂!清醒d啦，成4x歲人啦!!!
講真...而家時下嘅女仔仲點解好似上一代咁架？廿幾歲仲有大把時間...即使佢而家愛你，你點解唔諗下佢可能過多十幾廿年之後都係同你一樣？唔要你呢？到時你已經六十幾喇？人又老...仲連咩依靠都無哂！而且你而家四十幾歲人連睇醫生都無錢咁即係話你四十幾歲人連一D積蓄都無啦...咁你到時連錢都無！咁咪唔Work囉阿叔...我都係一個廿幾歲嘅女仔，我如果要嫁一個男人，佢一定要照顧得到我啦！唔係仲要我照顧佢呀？咁我做乜要嫁呀？你咁大個人諗都諗到啦！！你之前有個廿幾年嘅老婆又有2個仔，係...可能兩個仔對你唔多好，但如果你唔係做出D咁嘅事，大吉利是講句，點都有仔送終呀！到七老八十仲有個老伴照顧下！你而家！你一係就等攞公授等政府養，一係就等瞓街！一個大好家庭，就係因為你一句感情淡咗就破壞哂，本來有老婆同仔陪伴終老，就係你一時貪新鮮做出傷害佢哋嘅事，你有無諗過對佢哋係幾咁殘忍呀？對細路將來嘅心理影響有幾大呀？你仲好意思係度問人意見？？各位網友！唔好再係呢度點醒呢條友喇，呢D咁嘅人唔值得大家去為佢哂時間，亦都唔應該去點醒佢！總之一句，有報應架！！人哋要死唔通唔比人死咩？係咪？
你真的好自私, 我相信就算你再結婚都不會有幸福.
希望你會想清楚
你係一個受唔住誘惑既人, 見到年輕女子, 就被吸引住, 你想清楚....
一個明知你有老婆都抅引你既, 都唔係乜嘢好女子啦....! 用吓腦 ~
你同老婆結婚廿年, 梗係唔多唔少都有淡, 因為你個心向咗外邊,
你問清楚自己, 係唔係一D都唔愛個老婆? 一D都唔愛個家? 一D
都唔愛子女? 問呢D最重要, 唔係問人哋係唔係愛你先! 若然人哋
愛你, 你就要去愛番佢, 咁 ~ 如果呢個世界有幾百個女人都同時愛
你, 你咪連去廁所都唔得閒囉! 好無性格啫 ~ 再講, 你經濟又唔係
好, 個女人唔會唔同你捱呢? 貪新鮮玩你都未定, 無謂為咗一段霧
水情, 放棄自己當初立誓過既原配妻子, 背負住一個對家庭不忠,
對妻子不忠, 無責任感既衰男人名義, 值得嗎? 況且 ~ 你既子女都
長大, 有分折能力, 知道邊個令佢哋要做破碎家庭既子女, 有可能
嬲你一世未定。
為何一定要離婚呀?你太太有咩唔好,對你好差咩,廿年的感情,不覺得可惜咩,何必為一時的快樂,付出一生的後悔呢?
你們的將來會有幸福嗎?
前路茫茫,還要走下去嗎?
回頭是岸,好好對你太太吧?回想她為這個家的付出,對你的付出還不夠多嗎?
如果感情淡了就要離婚, 那麼你不用再結了. 因為幾年後感情又會淡..唔通又離婚咩 .如果感情好...唔結婚都可以好...如果擔心她要走...結左婚生埋仔都可以走......一個人不負責任...一張婚書有咩用...你已經係一個絕佳例子
你地啲男人, 常常想着大不了就回太太身邊, 這樣怎叫個女仔等你, 你估做第三者無壓力, 愛係唔應該計較回報, 你左擔心右擔心, 你其實有幾愛個女仔呢? 另方面, 你太太可能很愛你, 可以比機會你, 但你要認清, 你可唔可以對佢好, 唔係你兩嘢又話感情淡, 又有第二個, 到時你地日日鬧交, 對小朋友都唔好, 我建議你找個婚姻付導, 睇吓你同你老婆的感情會唔會轉好, 這樣對你, 你老婆, 小朋友, 以及個女仔都好(仲後生, 大把比你好的選擇, 又唔使擔驚受怕, 你會離婚, 又驚你會唔會同佢結婚, 結咗婚, 又驚你會唔會有第二個), 一段婚外情, 要開花結果, 是需要很大的勇氣, 毅力同愛, 你可唔可以付出噤多呢?
參考: 第三者經驗
你們肯定沒有將來, 而你亦已經完蛋了!
理由一: <年紀->
你已步入中年, 需要的是一份穩定的工作和一個溫暖的家庭, 你們激情過後, 始終要面對現實, 現實就是你們思想上的距離, 試想下一個二十多歲的年輕女子, 她有的是青春, 和無數的機會, 追求的是愛情的感覺和刺激, 而你呢? 是一個人到中年而且又見異思遷的婚姻失敗者, 可以給她的感覺和刺激能維持多久呢?
理由二: <經濟>
你人到中年了, 為何只能免強可養活自己? 事業未有成就嗎?可能婚外情用了你很多時間吧 ! 要知道你離婚後還要支付膳養費和你兩子的生活費, 你還說她有父母和外婆要供養, 如果我是她, 有一天清醒了, 立即會決定離開你.
請你清醒吧!婚姻是需要逝水長流的感情來維繫的, 有否想到你二十年前如何愛你的太太, 你現在還是一 個人的話, 就去想辦法挽救自己的婚姻吧!
你們的將來是"黑暗"啦, 女的如跟你, 將來一定後悔, 因為佢只得25 year old, 二來, 最重要是"錢"的問題. 雙方都是危危乎的是非常慘架.....唔通之後一齊去取"公緩"咩....
清醒點吧!! 靜靜地想清楚吧!!
2008-01-12 11:11:38 補充：
你個"補充" 已說明她不是真心對你的啦....最大問題是你冇錢呀, 你明唔明架......佢係唔會嫁給你的.清醒點啦....
參考: 自己
