行李箱一問

首先 budget 如何 ??
平價... 可以到女人街或廟街等地方睇睇. 約 200 蚊便有一隻超大的旅行喼. 但質素的確是差一點的. 拉鍊位置亦不太可靠...
中價... 可以到日式百貨公司睇睇, 有 d 牌子如 Santa Barbara, Pierre Cardin 等都唔會太貴. 大約 500 - 600 蚊一個 25 吋左右的喼. 可四周轉動, 布質較好, 拉鍊位也比較可靠. 部份更有 3 - 5 年的保養.
貴價... 可以考慮 Samsonite, Delsey 等名牌子. 價錢最少 1000 起步, 大多是 1600 - 2000 蚊. 質素最好. 但也是最貴... 如果一般旅行, 又沒需要買這麼貴的... 反正一年可能只用數次
超貴價... LV 等.. 浪費金錢而已
至於軟定硬, 就睇返你自己有咩需要. 如果你想型, 想 in 既, 咁你一定唔會買軟喼. 細細細個的硬喼普遍來說都比較好睇. 但如果你購買了很多東西, 硬喼就可能會裝唔晒, 因為硬喼的體積不能改變, 係咁大, 就咁大了.
如果你需要帶好多野既, 或買好多野, 軟喼就會好 D. 現時一般軟喼都係防水物料, 不用擔心這問題. 軟喼因為是布質, 可以撐大一點. 如果你識執喼, 同一 SIZE 的軟喼可裝多最少 20% 的東西. 但相對硬喼, 軟喼個樣會冇咁好睇.
另外不論軟硬, 買喼最緊要睇下隻喼是否實淨. 例如拉鍊位是否夠加, 扣位是否過薄, 喼的轆是否實淨, 線口, 駁口等等會否客易鬆開. 關好喼後有否空隙. 這些最為重要. 還有, 喼是否可以四面推動, 有沒有伸縮把手等等, 你也需要考慮
最後買邊一類型, 你可以慢慢考慮... 而我, 會推介 P.C. 牌的 ...
如果你肯定個喼係航空公司或機場整爛既, 你可以 claim 佢地的 !!! 不過你睇返佢個保險鎖, 通常都搵拉鍊扣住個 password 鎖. 咁塊野咁薄, 唔爆就有鬼啦. 因此我一向唔用 !!! 正經買個鎖頭鎖住重實際 !!

喺元朗福亭街有幾間專買行李箱的店舖, 價錢都幾抵, 仲可以代客維修行李箱, 但唔知近唔近你, 而尖沙咀加連威老道愛賓商業大厦地下(陳烘相機個商場)都有啲專買行李箱的店舖, 可以睇睇, 有價講! 我自己係用布製的(略硬些的質地), 都好幾年了(一年最少去兩次旅行), 只係維修過手柄啫! 其實要撞爛就咩料都會爛架喇, 好難講嘅!