✔ 最佳答案
唔記得1至2日...
係記得既時候立即補食欠左個d數目, 再係適當既時間食埋當日應食個粒. 直到食完呢包之前, 每次行埋都要用套.
超過3日...
索性停左呢包藥, 掉左佢, 等月經來. 期間每次行埋都要用套. 然後月經第5日開包新藥.
如果只遲一日藥, 記得時立即補食, 係冇咩機會有bb. 不過d藥廠係為安全計, 都會勸你用套. 就算冇都唔使太擔心既.
2008-01-11 14:02:27 補充:
唔係藥力有效48小時問題. 避孕藥係荷爾蒙, 要維持係一定水平, 遲左1-2 日, 體內有效荷爾蒙未跌至太低, 所以未會引發排卵. 之所以食少左既要補食返, 就係要荷爾蒙盡快提高返上去原本藥力水平. 未有排卵, 即係不會成孕. 所以可以按照原本計劃完成晒個包丸仔. 岩岩停食個日唔會排卵住架, 所以個日行埋唔使食事後丸, 請放心.
2008-01-11 14:03:07 補充:
3日冇食, 荷爾蒙低到會發生排卵, 一發生左, 點補返d荷爾蒙都冇用, 所以就要成排藥停食, 等個cycle盡快跑到月經, 開一個新cycle至食. 其間行埋真係有機會成孕, 冇用套就真係要食事後丸啦.