有關派利是的問題

我都係今年首次派利是，我問過人點派，但都有幾個version..
1. 未結婚的平輩或晚輩一定要派啦 ! 不過如果你朋友多，第一年就派，之後講明(講笑咁)下年要佢地去你屋企拜年先派o羅~
我有好多朋友都係咁，我又覺得okay喎~
2. 呢個尷尬d，有d習俗係要派的，但我朋友話其實第一年派就得，之後就不用派(除哥哥及姐姐外，因為本身是不用派給哥哥姐姐的，表哥表姐就要派)，有d人仲要係一定要派俾細佬妹，就算佢地結左婚都係咁話，你不妨問下你家人的做法啦!
我屋企做法係未結婚就要派，所以我會派給未結婚的表哥表姐~
3. 咁要睇你地公司的習慣了...如果你公司本身d人好敏感，郁d就以為你刷鞋，咁我建議唔派，如果派，你就要上上下下所有未結婚的都一齊派，以免被人話你巴結奉承....不過咁，我以前做的公司係話明唔可以派利是結上司的，只係現在的這間話可以。
總之我本身都會派給我的上司架~大家開心嘛~嗰少少錢..心意同意頭嚟咋嘛!

反而派雙封 / 單封呢個先係問題...我家族本身除親人外，全都是派單封(環保d)，但好多朋友都話離異/配偶die左先派單封喎，其實洗乜理喎，好多人都係單封啦....anyway,我會派雙封給親人及較friends的朋友。

派利是係開心的，只要未結婚就可以派，份量因關系、隨你內心及能力而定，
上司都鍾意收利是，何需尷尬 ！

1.a)未結婚的平輩，可以派或不派，如果是自己的朋友，你可參考其他已婚朋友的做法，如果現場朋友都派，你也要派，總之視機而動。如果是男方親戚/朋友，由丈夫問媽媽，是否要派。女方親戚/朋友，由太太問媽媽，是否要派。
1.b)未婚晚輩一定要派。
2.一般來說未婚長輩是不用派的，但亦應請教父母。
3.請教其他已婚同事，如果沒有參考就要睇情況，如果上司很年青，又和你打成一片的，就不尷尬。如果上司年紀大就不用派了。
親戚要封幾多錢利是，要封多少封，一定要問家長，並用萬事夾分別夾好，加張寫了名稱的記事紙，那便不會漏派。當然派的時候要將紙和萬事夾拿起。
夫婦二人先協議由誰負責派，以免重覆派發。
要封很多封後備利是，以備不時之需。

按傳統係你只需要派利是俾晚輩(晚輩結左婚或未結)
其他人你全部係派糖果, cookie, chocolate
一家一盒