嚴重濕疹,有冇人可以介紹中醫比我

吳端燦中醫師
但我唔記得地址, 淨係識去.
係牛頭角道(大概229號), 近花園大廈, 要係牛頭角地鐵站出, 經隧道過對面馬路, 會見到間7仔, 再向九龍灣方向行, 約5分鐘.
如果冇加價, 幾百蚊度啦, 睇你病情係點, 我係三年前睇佢嘅.
記住, 要跟足佢指示去做, 戒口要戒到足, 咪以為食小小唔怕, 隨時前功盡廢.
一定要覆診, 因為中醫係要試藥, 睇你身體對藥物的反應, 然後再調節.
幾痕都好, 一定唔可以[抓], 頂唔順就用爽身粉, 立即止痕, 但不久又會再痕, 但好過冇.
吸收多d維他命c, 增強免疫力, 有助消滅濕疹元凶 - 真菌.
祝你有覺好瞓!!


2008-01-12 06:40:27 補充：
如果樓下真係中醫, 不如你試下睇佢.濕疹100%係由於身體免疫力下降, 消滅不了無處不在真菌, 所以才會經常翻發, 要斷尾, 亦只有增強免疫力, 這是唯一辦法.我已經斷尾.

我俾少少意見你啦。
你都可以試下搵浸會大學或者其他大學既中醫診所，佢地既質素唔錯既。

然後我要補充一下，要根治濕疹，控制情緒同戒口都係好緊要既。外用既藥膏，最好用純中既既油膏。

我以前隔離診証室，就有一個好勁既皮膚科中醫，佢本來係西醫，後來因為有風濕性心臟病，所以轉做中醫，佢用中醫既方法，成功醫好自己既風濕性心臟病。

因為風濕性心臟病，原因就係免疫系統失調。而濕疹同銀屑病，其實都係免疫系統失調引起既。所以佢後來變左做好出名既中醫皮膚科專家，我都見過佢點醫，所以都知少少。

ps.濕疹唔係真菌引起既