我想cut aia個投資相連人壽保單

第2位位兄，首先唔該哂你問我答cut單的手續及詳情，我亦無需重覆了！

如果你找個agent cut單，佢九成九會拖住你先，因為你cut單會間接扣佢啲人工及佣！

均真啲講，我建議你首先睇下你個plan現在可借的最大OD額有幾多，睇吓夠唔夠解決你屋企的需要先，如果唔夠的話，你再check吓cut單攞得幾多錢(扣哂費用之後)，如果Cut單攞嘅錢仲少過你可借OD透支額的話，你就千祈唔好cut單，因為cut左你可以週轉的錢會更少！這樣你應借爆個額，留返個plan，唔好cut等個plan，吊住命先及同時申請停供(可以的話)！

如果Cut單攞嘅錢(扣哂費用之後)係多過你可借的最大OD透支額，但Cut單攞嘅錢都仍然唔夠你屋企週轉的話，敢無計喇，cut左張單，幫得幾多得幾多，一家人呀！

即是如果你需要啲急錢係可以用借OD透支解決的話，你這時就要諗:aia借OD透支 (借現金價值)個年利率係大約8%，你唔賣貨的話，揸住啲基金一年升值又點止升8% (我最揸嗰隻基金都有30%)，其實回報係會跑賺你嘔的利息！所以我建議你借OD，之後遲啲等自己有鬆動先還或者遲啲等啲基金單位升超過8%先賣貨找返借左的OD!

我估你在aia開得嘅基金plan都要供10年或以上，所以你而家敢早Cut的話，Cut單實質攞嘅錢(扣哂費用之後)分分鐘少過你供過入去個plan的本，即係未打和及蝕左錢，所以我覺得你不用太心急，計下條數，三思三思！

因為屋企急用錢？？？
如短期的除了取回紅利20000，也可借現金價值，（要付利息）但不可全取，否則會斷單！


不要取消保單。！！！！！！！！

轉做定期保險吧！？（沒儲錢成分但又有保障、但平很多）


有很多保險經紀是看他佣金收入多小而推介保險計劃！小心！！

投資相連人壽保單，一般是很長期的（通常15年或以上），你要cut單，佢地都會收足你全期（通常15年或以上）的行政費及營運費。所以你寫出嚟的金額未必是你斷單時實收的金額。

如果你急於用錢，唔好經保險經紀同你cut 拉，來來回回花好多時間，有野再問又要再等，直接上AIA，帶埋份單正本去，自己keep番份副本係屋企，話比佢地聽，你想睇下你份單如果而家cut 的話，可以攞番幾多錢，以當日或上一個結算日基金價格計算，同埋會扣幾多費用。因為基金好多時都唔係即時可以賣到，即係話你今日簽紙同意佢地幫你賣單，可能要等兩三天先賣得出，個基金價格起呢兩三日可能會高d又可能會低d 。你要話埋比佢地聽你想以咩形式攞番筆錢，入番你過數的戶口或者叫佢地開你個名的支票。要問埋大約幾時有錢到手，一定要攞番同你做野個職員的咭片，或寫底佢資料，第日容易跟d。要求cut單時，佢地有可能會收左你份單的正本，同埋要你簽文件，你簽過的文件可以要求佢地影返個copy比你，一定要取copy 。

借現金價值就無謂拉，佢地d息會好高。 亦即贖回基金，問清楚有冇手續費先，咁第日還番條數，又買基金，手續費點計先。保險公司計d數係最難明的。

希望可以幫到你。

你如果想知道,有一個好實際既辨法,就係立即去聯絡同你做d份野既經紀~~~
d經紀唔會呃你架 有咩問題問佢地就可以架啦~~~