旅行團的台灣

康泰的服務唔錯，領隊有禮貌，永安未跟過。至於星晨，唔好跟，我同朋友分別跟過佢2個團，d領隊同導遊會向人客發脾氣。
如果唔想太辛苦，就要揀幾日都住埋同一間酒店的團。如果行程太辛苦，可以同領隊講你地先行返酒店休息，又或者個日個地點唔合意，就話比佢地聽你地今日唔跟佢地去玩。但係小費要照比的。同埋早前跟過康泰d “ no shop “ 團，因為唔駛去指定商店，玩的時間多了，行程幾舒服，唔趕，不過唔知台灣有冇呢類團。
另外，康泰有d半自遊行，即係有人幫你辦登機手續，到左台灣有人接機，同埋安排半日行程，如果有須要可以叫佢地幫手起台灣辦登機。
台北市搭的士唔算貴，每架的士坐四個人，短程的比搭捷運（類似香港MTR）還要平。

跟過東瀛遊到台北，行程都很好。都有好多選擇。
最好就係其中有一天是自由行，完全自由，行又得、訓又得、食又得。可以四處看看台灣人的生活，不會單單到景點看。
如果有老人家的話，四、五天自由行會好辛苦。
跟此團就有旅行團的方便，又有自由行的自由。

我覺得縱橫遊幾好，我跟過一次，住5星級飯店，坐國泰，食都好，其實你可以比較一下咁多間旅行社價錢，睇下你吔想用咩價錢去玩，不過我覺得平未必好，其實你亦可以試下自由行，我近這幾年已經次次都係自由行，跟團都幾辛苦，好早起身，呢個係我的意見，希望可以幫到你!!