用Cookset煲飯要注意什麼?

米水要過手背(三人份量),如再多一人(加食指頭第一節的水),中火至水快乾(指見到咆咆),再較最細火,直到嗅到飯香,關火不要開蓋(焗一焗)

首先準備凍水(水喉水已可)及已洗好的生米 **忌用熱水，否則最後會外軟內硬食唔到﹗

1.用Cookset大煲加入半煲水多少少及加入生米，完成後應該有大半煲咁滿
留意呢個時候通常會有D識煮飯既人講唔駛咁多水，
但因為而家係用明火煲而唔係用電飯煲，所以係會多少少水的
最主要原因係：多水既話最多浸淋d飯照食可也，但唔夠水一係就濃到唔食得，一係就硬到唔食得，之後發現再加水都好難煲(而且極可能係加生水)

2.先用大火煲，十多分鐘後改為中火，必須每5-10分鐘開一開並攪一攪個底以免"痴"底

3.見D生米開始收水，變成濕濕地時，再收至細火煲一會兒

4.注意你點煲都唔會好似電飯煲咁乾身，熄左火佢唔好開蓋，等多幾分鐘佢就會自然收乾水份~~~完成

5.驚唔好食的話，建議在街市買5蚊兩條獵腸剪粒加入D飯度煲，就算煲得口感唔好，但至少有D味易人口好多。

2008-01-09 02:03:44 補充：
其實睇你煲唔煲湯啦.......煲既話個大煲就一定冇左得返中煲，都夠3人份量既。但下下樓提到的分兩煲來煲，我勸你勿有呢個念頭，因為一個Cookset可用煲為三個(一般夠煲野既size而言)，仲要煮其他野，唔會有露營者用一套cookset而用兩個煲來煲飯的。再說一般7、8人以內都只會帶兩個爐頭(4人內係帶1個)，除非齋食白飯先有機會同時用兩個爐來煮飯食。