tb tbg請入 高度問題

個人同意樓上 aha0112 同 KMak 所講嘅嘢...

我身同感受, 完全明白你!
我自己160cm, 我女友172cm, 佢高我半個頭!!
仲記得識佢第一日, 朋友tea聚會...
佢嚟到時我哋一早已經坐低哂吹緊水
所以我見佢第一眼根本唔知佢有幾高...
到我哋食完起身走大家一企起身,
我當時真係....呆左 (仲要佢哋咁啱個個都咁高!!!)
所以顯得我更加細粒~ 唉...

但好彩我扮冇嘢, 之後一路都好好傾!! 就慢慢開始有feel啦~!
成晚大部份時間都係坐....
我同我女友一齊就快兩年啦, 雖然我仲係介意我倆高度嘅差異
但比起初初就適應左好多lu ~!
再加上我d朋友同女友成日都安慰我開解我
(我女友知我好介意, 但佢真係一d都唔介意~
我初初都唔信以為佢唔想比我知)

我有個好兄弟安慰我時同我講左句我一世都會記得嘅說話,
佢話: 佢(我女友)高咪姐係腳長囉, 腳長咪好睇囉, 死蠢!

唔係話我買花讚花香, 我女友做過model ~ 都幾索ka!!! 哈哈
我而家成日同自己講應該珍惜眼前人唔好擔心咁多無聊嘢!!
為自己有個高嘅女朋友而感到自豪,
你諗吓佢唔同個高過佢嘅b一齊而同左我一齊, 我應該開心啦!!
(唯有咁諗啦, 都啱嘅.......)

我有對朋友同我哋個case一樣,
冇問題仲好好tim~ 佢哋一齊三年有多啦!!

其實我講咁多廢話, 係想話比你知
如果你真係咁鍾意個女仔就要控制同麻醉你自己
你要知道其實高度同年齡問題差唔多,
一樣有大把人煩大細高婑肥瘦.....
兩個人一齊重要嘅係感覺, 外表"夾"係bonus
再加上唔係所有女仔都緊張高度反而係你個樣同衣著!!!
做好自己有能力進步同改善嘅嗰d部份先啦!

你要加油呀~!! 差半個頭之嘛~!!
唔好比高度做你嘅絆腳石呀, 唔值ka!!

祝一切順利, 早日搵到幸福!!

好多謝你 我明白了
我亦都會努力
雖然依然會自卑 仍然會唔開心會覺得唔公平呢個世界
不過 我知自己應該點

我接受唔到自己矮過身邊的伴侶,做朋友還可以,但做情侶就免問,不過又好難好肯定咁話一定一世都係咁,因為緣份降臨時,你真係唔會再有咁多限制,你會覺得一切已經不再重要,只要可以同佢喺埋一齊已經好好

如果真的LUM她
她又LUM你,
一定不会CARE你的高度,
我LUM的那人,
大我五年TIM LA.....
重高过我整个头

本人係tb,我都唔算高,我就唔太介意tbg高過自己,高幾吋都可以。
況且你只係矮過你鍾意既女仔半個頭啫,唔駛自卑喎。
我隔鄰果間中學就有一對呢,個tbg高過個tb好多架!我返學果陣見到個tb日日都踩單車載個tbg返學。

2008-01-09 23:15:10 補充：
個tbg仲唔止高過個tb半個頭!係高過一個頭有多!

我老婆夠高我10cm啦
但係佢一D都唔介意
只要有feel就咩都得啦
呂方夠矮過Do姐啦
又唔見佢地分手

tbg 角度
係會接受矮過佢地 ge tb
我讀女校 身邊d couple 有幾對都係咁ge 情況
有一對更加相差一個頭
我個人可以接受半至一個頭

其實只要衝過一開始ge 心理障礙
根本呢一切都唔係問題! =]

唔好一開始判自己死刑覺得冇可能一齊
如果真係擔心
咁未比大家一段曖昧時期lo
曖昧係會令大家ge 關係close d
真係咁中意 自自然然會起埋一齊

你咁多才能
動又得靜又得
你其他方面一定可以cover 到o個小小身高上ge 不足

你對自己都冇信心
你叫o個個點對你有信心 覺得你可以好好愛佢 對佢好呢?
你比到安全感佢
你無論幾高 佢都會中意同你起埋一齊


加油!! 希望你同到o個個人一齊! =]]]