投資系儲蓄保定系買月供基金

1. 你份儲蓄保回報好低，只夠追通帳，你睇下cut有無penalty啦
2. 好的新股緊係要抽啦，太平洋保險和中鐵建都好，不過要分散投資，呢d你又唔會抽margin，最多1手，仲未必抽到，不用太上心，最多佔你資產小部份，等填form啦。
3. 月供基金，每月$1000, 又有彈性，高風險低風險都有，好的時候1年90%(香港股票)，差的時候1年蝕10%(日本)，不過總好過儲蓄保，基金等錢用又可隨時提款走人(我做呢行，手續費低，有興趣找我啦)
4. 睇你同我都係同一類人，又想高回報，又唔敢博。我就儲蓄到一定數目，買一d長揸好股，如中鐵，我$6.8入，揸佢1年2年，隨時1個double。
5. 千萬不要買窩輪呀，我朋友蝕左廿萬，有多餘錢就可玩下。

首先, 我覺得你應該check下提早取消份儲蓄保有什麼"penalty ", 通常係要收一定%既admin fee. 既係話一定攞唔返曬你已供既供款.

通常來說, 越供得耐, 你可以攞得返既$比你只係供左頭幾年既多. (因為頭幾年d供款間公司用來cover d service charge, admin charge etc)

至於閣下份１５年既儲蓄保, 因為有保險成分(首先我唔知個保險保什麼, 閣下年齡,,,,) + 回報保證, 回報亦相對上底一點點. 但是計計下都有4.5%複息一年, 但係正如你所講, 唔彈性 + 困死.

至於買股票既野, 今日有好消息既話佢可以升到你唔信, 但係一逆向既時間佢可以大跌. 冇錯中鐵同中材係中資好股, 宏調對佢地影響微, 國家主調基礎建設,,,但係最後都看要基本因素, 一個P/E 60幾倍, 一個P/E 90成幾倍, 佢地目前既股價已反映幾年後既增長.

再者, 太平洋保險及中鐵建唔係佢果行既龍頭, 保險龍頭係中國人壽#2628, 基建龍頭係中國交通建設#1880. 直到現在為止, 太平洋保險及中鐵建仲未公佈佢地既招股詳情. 現在不宜評論.....但是可以講既係太平洋保險及中鐵建上市果招股價一定唔會平得到去邊(=賺小d) 加埋仲要 Lucky Draw,,,

如果你做銀行月供基金, 彈性D無疑好過１５年既儲蓄保, 但係要留意買賣基金單位個spread. 有冇諗過直接買一手 (around$20000), 因月供供到一手既fee一定比買一手貴.

贊同買股買龍頭股, 長揸既回報一定好過呢類儲蓄保:
電訊: 中國移動#941
中資銀行: 工商銀行(規模最大)#1398, 招商銀行(信用卡龍頭) #3968
保險: 中國人壽(人壽險規模最大)#2628、平安保險(綜合保險服務最強)#2318
交通建設: 中交建#1800
陸地石油: 中石油#857
煤炭: 神華(一條龍服務)#1088

其實都要事乎你可以承受幾多風險,儲蓄就冇風險,不過低回報,如果購買月供基金,雖說風較大,但是用一個叫平均成本法去做一個購買相對數量0既基金單位,無論熊市牛市都可以食盡晒0的波幅,又可多元化參與環球市場投資,重而減低風險而又不會影響回報,又有專業人士管理,既有增長,亦有收益,所以長期回報,可能高於儲蓄保.

e....我都有買中材,我覺得佢呢期有利好消息,所以我會睇中長線....

如你想認識更多..可email我,[email protected]
研究投資股票也可以...^^