幫下我ｌａ．．．我問幾樣野嫁．．．２０分呀．．．

愛情...
愛情係可以為對方做任何事
有難時...對方不離不棄
或肯為對方連命都唔要
但你對佢有愛未必要同佢一齊
好似如果你中2人...人地唔中2你...
但你睇到佢搵到一個佢真心中2既人你都會開心
仲會永遠祝福佢...
E D唔自私...有咩事都不離不棄...可以為對方做任何事...先叫愛情!


１２歲唔應該拍拖
都係在乎你想唔想拍拖，講真果句，
咁早拍拖，唔係咁好，
因為一黎你地十二歲要讀書，
想拍拖可能係出至好奇心，想試下咩係拍拖，
不過講真果句，通常咁早拍拖，你地可能遲d會對大家厭倦，
因為出至好奇心既拍拖，一無左好奇心就唔想再繼續去，
仲有，宜家既男女朋友好講求feel，
有feel就拍，無feel就散。所以其實都危險。

不過，如果你地真係開始左拍拖，都祝福你喇。

拍拖前，要先考慮自己需要甚麼,
亦要檢討自己是否懂得去愛別人，
學懂肩擔起責任，
不隨便、盲目作承諾
動輒便承諾：「我愛你一生一世」，
但自己卻根本不明白何謂愛；
要懂得反省自己，
作一個既能照顧自己，
也能照顧他人的人。
雖說拍拖年齡未必有客觀標準，
但對大部分人來說，
年紀確實反映了一個人的成熟程度，
等於孩童時時覺得很合理的東西，
長大後卻覺得很幼稚一樣。
一般來說，
中學階段(尤其中五以下)是摸索人生的初步階段，
思想、情緒變化很大，
不宜急於拍拖呢。

其實拍拖的目的,同結交朋友一樣,都是為左令自己開心一些,有更多的娛樂空間和令自己的人生豐富一些(豐富不代表是開心的東西,豐富的意思係指有喜有悲咁樣)等等!拍拖係要對方開心定自己開心呢?依個就是真的沒有人答到你了!因為這兩個都有不同的道理,不可以話那個係道理多一些!我就認為指拖係要大家都開心!因為開心落在一方,而不落去那一方,感情都會差的!要做到大家都開心,關係先會好的!既然你都知道兩個人之間一定要有私人時間,但是你又不為自己編一些私人時間呢?你與其在佢不空的時侯想念佢和等待佢,為何不陪著你的朋友呢?通常第一次拍拖的時侯,都往往太過重視左自己的伴侶而忽略左自己的朋友!給些自己的時間陪朋友吧!朋友同男友一樣,都要陪佢的呢!你現在最需要做的是,找一些私人時間給自己!而陪朋友係其中的一個例子,你還可以複習課本,看課外書,玩電腦,做運動和看電視等等的活動來消閒自己的時間,你又為何苦佢不陪你而感到難受呢?工作可以忘記一切,找些工作來做,對別人的思念都會易過一些吧!放心吧!喜歡出街的男友唔會咁易給人拿走去喎,如果感情咁易散的話,咁依段感情又有咩樣可以值得留戀呢!

12歲就唔應該拍拖住ga.....因為年齡細左一d
只於你話點算鍾意一個人呢.....就會有112樣ga現象
以下就係啦︰

1. 見到佢果陣會心跳加速
2. 口齒突然間變得好唔伶俐
3. 經常發呆
4. 人地無話打俾你，你又響度猛等人地電話
5. 當佢響你視線範圍之內，你會扮睇唔到佢
6. 當佢離開左你視線範圍之內，你就會勁望佢去左邊
7. 見到佢開心，你自己都會暗地裡開心
8. 出完街之後，好想佢送你返屋企
9. 一班FRIEND食飯果陣時，希望有意無意咁坐響佢隔離
10. SEND SMS俾佢果陣時，會好介意自己GRAMMAR有無錯
11. 當佢唔舒服果陣，你就會勁叫佢睇醫生（但係自己平時病果陣又唔會去睇）
12. 個個都可以睇你張身份證，除左佢之外（智能ID咭另計）
13. 好想佢送D野俾你，乜野都好
14. 成日留意佢既言行舉止，睇下佢係咪對你有野
15. 若果見到佢同異性傾計果陣，你會想知佢地會傾D乜
16. 成日發夢都夢見佢
17. 若果發覺大家著左D好襯既衫，你會心裡暗叫「妙﹗」
18. 不斷打聽佢既拍拖歷史
19. 會介意佢去完旅行返黎無送手信俾你
20. 趁佢背住你果陣，即時猛望佢背脊
21. 佢叫你做乜都即刻做，好聽話
22. 偷偷地幫佢執手尾
23. 響手機度禁佢個名或者佢D相出黎睇
24. 同佢既FRIEND變得好FRIEND
25. 成日去佢經常出沒既地方留連
26. SEND SMS之前之後都會不斷返睇自己SEND左乜野俾佢
27. 主動借D書、碟俾佢，製造再見既機會
28. 就算佢響你隔離，你都會成日掛住佢
29. 行街見到佢鍾意既野都會有奇妙既感覺
30. 響街度聞到佢搽果種香水（或洗頭水、番?）味，會即刻好緊張
31. 就算你有幾唔得閒都會應承佢出去
32. 用133打俾佢，佢一「喂」就即刻收線
33. 無情情想嗌佢個名
34. 唔敢走去佢附近
35. 習慣每晚都會睇佢個BLOG
36. 唔想俾佢知道你有男/女朋友
37. 成日開MSN或ICQ既HISTORY回味一下
38. 會深入研究佢所有喜歡既野（就算自己一D興趣都無）
39. 好想講自己既野俾佢聽
40. 佢講乜野你都會信
41. 見到佢父母會特別拘謹
42. 講野前會PLAN定一大輪
43. 兩個人獨處時候有DEAD AIR會感到十分尷尬
44. 會記住晒佢鍾意食咩呀、唔鍾意食咩呀，諸如此類
45. 經過佢屋企時候會望上去或者響下面停一停
46. 一起身張開眼就會即時諗起佢
47. 製造無理要求，睇佢有乜野反應
48. 想知佢鍾意邊一類型既女仔
49. 佢做任何衰野都會幫佢搵藉口
50. SET佢張相做電腦WALLPAPER
51. 不論內容係乜，SAVE晒佢俾你既SMS
52. 做垃圾婆，總之任何關於佢既野都要
53. 會響紙上面不停寫佢個名
54. 成日自己估人地對你有無野
55. 每次就算有正經事搵佢，都會自己緊張一番
56. 想佢欠你D野（反而佢還左俾你會唔舒服）
57. 覺得佢梳乜野髮型、著乜野衫都係OK既
58. 唔想聽到佢同佢女/男朋友傾電話
59. 佢一講野果陣就豎起耳仔，但係又扮成唔係聽佢講野
60. 好想度下佢高你幾多
61. 同FRIEND講起佢果時，會用花名或暗號
62. 唔敢送太貴重或者太大件既禮物俾佢
63. 因為諗起佢，行行下街都會無啦啦笑左出黎
64. 搵機會同佢合照
65. 會刻意同佢鬥嘴
66. 會留一D問題性既SMS俾佢，等佢一定要覆返你
67. 若果佢讚你靚果陣就會KEEP住呢個LOOK
68. 買D有佢個名既野
69. 同佢MSN果陣，若果佢覆得唔快，就會好失望
70. SEND俾佢既聖誕同新年SMS會同其他人唔同
71. 覺得佢好叻
72. 人地講佢壞話既時候絕對唔會加入
73. 同朋友講起佢既時候會覺得好爽
74. 搵機會度下佢隻手大過你隻手幾多
75. CHECK下自己星座同佢夾唔夾（尤其響網上成日玩配對）
76. 討厭佢所有討厭既人
77. 唔介意望到佢既腳趾
78. 佢生日既時候，唔會買一D人人都知道佢鍾意既禮物俾佢
79. 唔捨得熄電腦，怕佢隨時ONLINE
80. 想見佢，但係見到佢又會覺得好辛苦
81. 同佢講野時候會壓制自己既面部表情（反而搞到個樣唔知想點）
82. 許親願同玩親乜野占卜都係同佢有關既
83. 唔會介紹靚女FRIEND俾佢識
84. 借D意同佢SHARE野飲
85. 同佢搭巴士果陣扮訓著
86. 搣花瓣
87. 乜都幫佢頂
88. 唱K果陣扮晒話無男/女仔陪你唱合唱歌，逼佢同你唱
89. 送野俾佢唔留名
90. 突然間對所有異性失去興趣
91. 人人講緊一D情情塔塔既野果陣都覺得講緊自己
92. 覺得若果同到佢拍拖，一定會好幸福（就算佢同你唔熟）
93. 覺得大家都OK襯既（就算身邊人人反對）
94. 連續打兩個乞嚏就覺得「佢一定係掛住我」
95. 少少野就話自己好唔舒服，睇佢有乜反應
96. 同佢去完街返屋企會勁重溫同佢相處既片段、說話等
97. ENJOY人地誤會你地兩個有野
98. 逼佢同你有單獨相處既機會
99. 響同一場合，佢唔走，你唔走
100. 著得靚果日，好想響街上撞到佢
101. 見到佢ONLINE，等佢同你SAY HI先；若果佢唔應你，你會勁灰
102. 唔小心同佢有肌膚之親，都會即刻有觸電既感覺
103. 每次同佢單獨坐車既時候，感覺都好似去旅行
104. 就算唔係去果度都特登話係，等佢可以順便車埋你
105. 佢借D小野俾你，你都會KEEP起佢唔還
106. 對佢特別小氣
107. 響FRIENDSTER睇晒佢有乜FRIEND
108. 特登俾佢知道你有人追
109. 經常對自己既言行舉止好後悔
110. 希望佢同佢女/男朋友嗌交
111. 人地問你係咪鍾意佢，你會答「痴線﹗」
112. 最後!如果你一路睇/聽呢段野一路諗起一個人既時候!~我恭喜你,你係你鍾意左佢嫁啦

大致係咁啦....

十二歲...
你想要一個點既男仔同你拍拖...
我都算一個社交極好既人...
十二歲拍拖...易犯錯...因好奇心多...
就算你搵倒自己鐘意既人拍拖...
你放棄左d野你係睇唔倒架...果陣你能保證自己係明眼嗎?
我係十二歲果陣...有個女仔鐘意我...我都鐘意佢...
但佢唔會同我一齊...
因佢唔想妨礙我學業...

如果自己妨礙自己鐘意既人既學業...
咁算係愛佢嗎?你再大幾歲應該明...
即使初戀通常好耐...但係肯定一個心智唔成熟既人成熟左重係鐘意你咩...
男仔大左...鐘意女仔d味道都唔同左架...
我勸你最好唔好拍拖喇...最後你一定後悔...
好多對情人分手最後都係做唔成朋友...最後係極傷心...
你保留返啦...做個聰明選擇...
等自己識多d野...心理準備多d...
中一識多d fd重要...
中二分辨邊d係你最好既朋友...變成成日玩果d(即係你既姐妹們)...
中三拍拖常事...你想拍拖...睇下愛情小說學下野...拍拖帶眼識人啊...而家d中學好似幼兒化...
有d我高佢3個頭~.~佢地心多數只係識玩...唔好選擇錯啊...
選擇錯左最後傷心既係自己...
最穩定都係高中後...