ＢＢ嘔奶～

３年前我大女都係咁，一日六餐奶，每日至少嘔３次，好彩有朋友拿些舊ＢＢ衫給我，否則她一定唔夠衫換。
我個女都係食完就嘔，或者食到一半就嘔；睇見佢咁嘔法，心都痛埋！我奶奶個外嫁女仲衰，成日鬧我唔識湊女，無佢咁叻（佢都係請工人湊之嘛！），轉過頭就鬧我個女賤骨頭，有奶唔食係度玩野！
我奶奶當然好心痛（因為我們一齊住的），我們都有想過送我女去醫院；但健康院的醫生姑娘既態度，令我們覺得去醫院都無乜用。Ｄ醫護人員來來去去都係那幾句：一餐奶掃幾次風、餐餐奶都要掃風、掃唔到風都要掃、掃了成個鐘都要掃到有為止.......
後來我請教公司的阿姐們，她們建議我給阿女食中藥，保嬰單、珍珠末等。我起初都覺得無乜用，因為阿女成日嘔，點食藥啊！？但無晒辦法就乜都要試吓！因為阿女成日嘔，所以食了２個星期才見有些效。不過我個女好爛睡，試過連餓佢兩餐唔食，佢都唔理你照睡；所以之後食量雖然少（只有三分之二），但嘔得少左，幾日都會有嘔一、兩次。
最後，我終於知道原因何在。除了我個女先天性是容易嘔奶之外，原來我們將奶瓶蓋扭得太緊，而且個奶咀孔太細，所以食了很多風。我後來仲話我老公：「你家姐講到佢湊仔天下無敵，我個女奶咀細食左風，佢咁都唔知！仲有又唔准我買奶咀開大器，等佢得閒攞佢個舊既過來，攞左幾個月都搵唔到，等佢攞過來時我個女食風都食死左啦！」（佢家姐一個月來幾次）
所以嘛！其實你除了替他掃風之外，也只有吃中藥。要等他大一點，腸胃長得成熟一點就會自然沒有事。我個大女當年都嘔了２個月，之後仲厭奶長達半年，個人唔肯點食野，成日掛住睡覺。不過慶幸我個女每個月都有重over 0.5Kg以上，係無人地咁好；於是我就成日帶我女去街去公園，等佢多活動有天然抵抗力，體能好Ｄ健康Ｄ！
如果阿Ｂ成日哭的，你就看看他的肚子是不是冷的；是冷的話就是有風在肚，你可以用少許生的食油，在他肚皮上打圈擦熱個肚仔。我個女試過，用了三天已經無事，很有效；這都是公司的阿姐們教的。

想請問你個小朋友係食人奶定奶粉~?
如果係食奶粉 ge 話會唔會係你開奶果時搖奶 ge 方法唔岩, 搖左好多風入 d 奶度呢~?
或者你試下沖完奶之後扭開個蓋小小, 攤支奶一陣~
等佢散咁 d 氣再比佢食~
睇下情況有冇改善啦~

佢飲完奶 你有沒有同佢脊背上掃風...你一路掃到佢[喔....一聲] 先至掃完.

2008-01-08 18:35:47 補充：
13日 吃2安士 一餐 .

2008-01-08 18:36:56 補充：
或者你試下,比少一點佢食 試下效果

BB仔嘔奶通常祇有一個原因．．．因為掃風掃得唔夠．．．．有時候有些bb仔需要掃幾次先完全掃清．．．．你要試吓掃多幾次．．．！！

嬰 兒 嘔 吐 應 該 怎 樣 呢 ?

答 : 嘔 吐 是 嬰 兒 常 見 的 問 題 ， 例 如 吃 奶 後 會 嘔 奶 ， 但 母親 不 必 太 緊 張 ， 這 是 嬰 兒 在 食 奶 時 會 同 時 吸 入 空 氣 引 起 的 ， 因 為 嬰 兒 食 奶 時 太 急 促 ， 或 食 奶之 前 大 哭 ， 吸 入 了 空 氣 入 肚 內 ， 空 氣 在 腸 內 不 能 排 出 ， 嬰 兒 食 奶 後 就 會 比 較 容 易 嘔 奶 。 另 外嬰 兒 鼻 塞 ， 呼 吸 不 暢 順 ， 亦 會 嘔 吐 。 如 果 嬰 兒 食 奶 時 正 常 ， 嘔 一 兩 次 奶 是 正 常 的 ， 只 要 在 他 背 部 輕 輕 掃 風 ， 或 輕 輕 拍 背 ， 嬰 兒 就 會 將 肚 內的 空 氣 吐 出 。 此 外 食 奶 時 過 飽 都 會 嘔 奶 ， 因 為 一 些 沒 有 經 驗 的 爸 爸 媽 媽 擔 心 自 己 的 子 女 會 肚餓 ， 不 依 照 時 間 開 奶 給 嬰 兒 吃 ， 或 怕 份 量 不 夠 ， 最 後 嬰 兒 因 過 飽 而 嘔 吐 。 如 果 嬰 兒 每 一 次 飲奶 時 都 嘔 吐 ， 嘔 吐 時 像 噴 出 來 一 樣 ， 就 可 能 是 有 其 他 疾 病 ， 例 如 : 感冒 ， 尿 道 炎 ， 腸 胃 炎 ， 胃 炎 ， 肺 炎 等 疾 病 ， 都 會 引 起 嘔 吐 。 如 果 嬰 兒 剛 剛 嘔 奶 ， 不 應 再 餵 奶給 嬰 兒 吃 ， 要 過 半 小 時 後 才 可 餵 奶 ， 或 者 嬰 兒 不 想 食 ， 就 不 應 勉 強 。 不 過 ， 嬰 兒 身 體 一 定 要有 足 夠 水 份 ， 如 果 嬰 兒 飲 奶 減 少 了 份 量 ， 次 數 就 要 加 多 幾 次 ， 因 為 要 補 充 失 去 的 水 份 。 假 如嬰 兒 嘔 奶 次 數 多 ， 嘔 的 時 候 是 噴 出 來 的 ， 又 昏 昏 欲 睡 ， 發 燒 ， 肚 瀉 等 ， 就 要 盡 快 找 醫 生 診 斷。

少食人奶呀.....你可以比少少奶粉

2008-01-08 12:24:08 補充：
差左一句希望佢唔好再嘔快高長大(

2008-01-08 12:25:34 補充：
係咁架...唔駛驚...因 bb 個胃好淺...同埋個到胃門未閂得好..記得一定要掃風掃得好 d ..盡量打直抱~