考慮新婚居所

先講馬灣柏麗灣先，空氣好過美孚，環境靜過美孚，海景單位比較多
唔好處係交通唔方便，由其你地係香港區返工時間會用多左，同埋可能無車一程過到公司附近。
美孚曼克頓山雖然貴左D，但係交通方便好多，一上西九龍快速公路去到西隧就好快到香港果邊，相對地唔好處係嘈雜D，空氣差囉! 好多條高速公路係附近。
如果我係你為左方便我會簡美孚曼克頓山,因為購物方便，也可以出外玩夜D。

1. 現時樓價太貴,有否考慮租屋?
2. 先租後買的好處:
-了解地區,交通,設施,屋苑問題......看定下來再吼同區平盤才買;
-以$12,000月租計,1年只消$144,000,就可以減低幾百萬的錯誤投資風險;
3. 如你們非該區原居民,住下去先發現有問題,就好大劑!

其實兩處往九龍也很方便,馬灣只是多了一程接駁船(15分鐘內的事),其實香港地,處處也交通方便。
馬灣的優點是地方大、環境優美,可進一步你們新婚的二人世界美好生活。美孚是舊區舊樓,與你們新婚的情調不配。
最緊要住得舒適,出外玩,多一點車程(真是一點)算不上甚麼?
地方大,招呼朋友及親友也更方便。
馬灣的會所應比美孚曼克頓山好。

選擇馬灣柏麗灣

1. 環境"珀麗灣"一定比"曼克頓山"好幾倍, 環境靚, 空氣好.

2. 交通"曼克頓山"係會較方便, 不過如果你地係中環附近既, "珀麗灣"坐船到中環都係20分鐘, 仲快過係"曼克頓山"坐地鐵, 又唔使朝朝同人迫.

如果返工交通無問題, 我會選"珀麗灣", 居住環境舒服d.

我會選擇美孚曼克頓山 , 因為方便同二手市埸活躍 , 我幾年前買咗一間較偏遠 , 地方較大約1500呎同環境好 D 嘅低密度 住宅 , 環境係好好但住落真係交通好唔方便 , 所以我住咗一年就開始比地產放盤 , 足足等咗2 年半先買得出 , 我自己個人覺得買樓要買 D 二手市埸活躍嘅樓 , 萬一你住厭咗或者覺得唔方便想買同想放租都容易 D , 重有曼克頓山嘅升值潛力會比馬灣柏麗灣高 , 既有投資價值又可自用, 一舉兩得

我會選美孚曼克頓山，地點較方便。
縱使有山水美景，都係放假才會欣賞，但假期多數會去街...，
工作辛苦了一天，第一時間梗係返屋企，還要乘車轉來轉去，
一兩天唔覺煩，慢慢你就討厭。