感情難題-幫幫忙

我個人睇法 :
既然佢唔鍾意你, 而且佢又有女朋友, 感情都唔錯, 我會死左條心.
感情呢樣嘢好難講, 當然有機會散啦, 但散左又唔代表佢會鍾意你喎 !
所以, 你順其自然啦.
你見到佢既時候, 你應該當佢普通朋友看待, 無謂大家尷尬啦.

我而家就面對緊,我的做法就系做f.d

"結合分離以往見過聽過太多, 由此至終從一而終又一串囉唆, 你話我口水多我係有感而發"....(愛是.....)LMF、鄭秀雯
我諗當你日後或者以後再見到佢(對方), 你都係"不要相信一切有下次", 難道"要抱要吻要怎麼都也好"咩....(愛得太遲)古巨基 做朋友都無謂啦....廢事面阻阻, 不過世事無話絕對既, 我有個親友佢以前同另一個男性朋友拍拖, 但最後佢地分咗手, 不過之後佢地仲有保持聯絡, 仲成為咗朋友, 由於我個親人現在仍身處海外居住, 佢每次返到來香港時都會約佢以前個男朋友出來和我們一班人食吓飯、傾吓計咁。所以好難講既, 歌都有得唱啦....."我共你去到最遠也只是友情"好好戀愛~方力申; 有時做朋友係好; 但做情人就係難。
係分開就分開啦....就算無分開到, 大家既感情都已經啖化咗啦....我唔係响度對你或對人加鹽加醋, 我只是用一個好客觀既分析嚟同你正視緊你既問題姐。(聽唔聽其實與我本人都無關既, 呢啲始終都係你地兩個人既事。啱唔啱先......(完)
以上既答覆希望能夠幫得到你啦.....
聲明: 你的"立場與本人無關"

如果係我...我會等...但係我等既意思並唔係等佢同女朋友散...之後向佢告白.
而係就算佢地散左...都唔會主動去向佢告白..
因為我比較鐘意暗戀既滋味...不過...個心係一定痛既..
但....呢個只係我既做法...所以...你唔使照做..-ww-||

如果正常黎講..佢地感情唔錯...係冇咩機會散..
除非佢地做戲或者突然嗌交...如果唔係..
你可能真係冇咩機會..
不過都要睇下你係佢眼中係點樣..
假如佢將佢女朋友放第一...你放第二..
咁佢地散左你梗係有機會啦..
但係如果唔係既呢...就真係要自己去爭取...
否則會眼白白睇住佢不斷換女朋友都未到自己架啦..

如果我見到佢...而我又係身為佢既好朋友..
我會用返好朋友對待佢既方式去對待佢..
即係得閒講下笑...傾下咁..
如果唔熟既呢...我會當佢透明..
扮成一 D 都唔在意佢既事..
不過...當然都唔好太過做作...
例如明明佢係你前面...你都要特登向前行..等等之類咁...
咁人地會知道你特登對佢「特別」唔同..
咁就好易俾人拆穿..
以上個 D 都係唔想俾佢知道你心意既行為..
如果你想俾佢知道你心意...
有好多種示愛方法...
不過最好唔好係佢有女朋友期間示愛..
因為佢有 75 % 會拒絕你...而且大家之後尷尬..
咁對大家都唔好...
所以如果真係要示愛...就要等佢冇女朋友先...
不過...就真係要等...

我一定唔會. 傻瓜, 俾得他回來, 他也未必愛你. 雖然係好痛, 但亦要cut law.

如果你真係好鍾意佢，我建議你只好等。千祈唔好搶人男朋友，唔關佢o地宜家關係好唔好事，而係你諗諗，如果你追個男仔，只要個男仔係專一，一定唔會接受你；相反如果佢唔專一，今日可以為你放棄宜家個女友，將來亦難保佢會為第三個女人放棄你。佢o地會唔會散？呢樣o野好難講，正如你都保證唔到五年後你會唔會一樣愛個男仔，但亦有可能幾年後佢o地結埋婚。你見到佢要點做？答案係乜都唔好做，當佢係朋友算，繼續保持聯絡，等待機會出現，但係亦要有心理準備機會係唔會出現。

如你唔係真係咁鍾意佢，放棄啦！你等呢個男仔同佢女朋友散，都唔知會等到幾時，佢o地散o左，個男仔又未必會接受你，所以個投資好大，所以除非你真係好鍾意個男仔，否則我唔鼓勵你去等。香港大把男人，你點知將來唔會遇到一個仲好？