✔ 最佳答案
其實你唔洗甘擔心的,3年前,我同另一個女同學(當大家都係得19歲),咪又係2個女仔一齊坐火車去北京自由行玩左8日,一樣無事發生過。當時我地坐的火車係由深圳出發去北京,而回程時係到廣州的,之後又係要轉火車回深圳再返港,但我地都一樣無事。當然,今次你帶住你妹妹,而你妹妹又未成年,你父母肯定會擔心d。但我覺得一樣唔係問題。
如果你父母真係好擔心的話,我覺得你地買的火車,唔好係廣州或深圳出發了,直接在中旅社買由香港出發直達北京的火車票吧!由於這趟火車是出境班次,所以一定會較國內的火車安全好多。另外,雖然這班火車會在廣州站加多幾卡車箱,接載國內的乘客。但專門接載香港乘客的車卡,乘警的巡邏次數密好多的,所以可以放心,而且晚上時,車卡是會上鎖的。至於行李方面,除了日常用品、衣褲鞋襪外,其他貴種物品,如︰相機、電話、MP3、證件、錢……都隨身攜帶就可以了。最好用一個斜「咩」袋,唔好用背包,因為背包會在背後,後面有人用小刀界開左都唔知(特別時在國內行街時),在火車上,無論係去邊、包括去洗手間、去餐車食飯,都「咩」住個袋,就甘ok了,至於d大件行李,好少人會偷,因為d小偷都會知會係d衣褲鞋襪,偷黎都無用啦。而且偷大件行李容易被人發覺,所以一般賊人對細件重費物品, 例如手提電話,現金,首飾較有興趣!另外,錢方面,在火車上一般花費都唔會好高,24個小時左右,100元點都夠啦!所以,先準備一個散紙包,入面有10元、5元等面值的紙幣,甘就唔洗下下都攞個銀包出黎啦(財不可眼呀!)順帶一提,在國內買野,除非是50元以上,否則用散紙會好好多,唔好下下都用100元等對方找呀!好容易收到假錢架,特別是50元呀!
另外,如廁時要小心財物,唔好把財物掉進馬桶,內地列車廁所的馬桶沒有閘門設計,任何掉進馬桶的物件是直接掉在路軌上。唔小心跌左財物落馬桶,想執都執唔番!
除左在火車上的注意事項外,出火車站都係要小心的!內地火車站一般都是治安較差的地方,城市越大,治安越差,治安特別差的火車站有︰廣州站、西安站、深圳站、鄭州站等等,至於北京兩個主要火車站︰北京站和北京西站警察多,治安唔算特別差,因為始終都係首都。不過講係甘講,壞人始終都有會,由於你伯父伯娘係北京,你可以要求他們購買站台票,在站台等候、接你們。由當地人帶路出火車會比較安全,被旅行服務小販騷擾機會較小。
另外,停中途站越少的列車治安越好,等級越高的列車治安越好,臥舖治安比坐位好,軟臥治安比硬臥好,軟座治安比硬座好,冷氣列車治安比冇冷氣列車好,選擇乘坐列車車次時要注意這點。原因如下︰
a. 停車途站越小的列車,停車間隔耐,賊人唔方便落手。試想想,一列直達特快列車,開車後十幾個小時後先至有車站停,賊人偷野後,乘客報警。賊人走唔到,最後被警察扣捕。
b. 等級越高的列車,票價越貴,賊人成本大增。
c. 高包和軟臥要登記身分證,而且警察巡邏次數較密,乘客多為政府人員,和外國人,賊人很難落手。
d. 硬臥乘客多為家庭,學生,旅行團,和出差人士。他們在硬臥火車上互相傾計,有很好互相監察作用,賊人很小向硬臥旅客落手。
e. 由於硬座乘客多為民工,農民,收入低的人士。座收費最平,而且通常超載,賊人容易落手。乘坐硬座要小心貴重財物!
f. 非空調 (冇冷氣) 列車由於可以開窗,賊人很容易在列車停站或停車時,由車外偷財物,或者在車上偷完野後,跳車離開。乘坐冇冷氣列車要特別留心財物。(大部分火車班次是T及K開頭的99.9%都會是空調車)
其實唔洗諗得甘得人驚既...............只要事事小心,跟本不是一個問題,放心啦!有咩問題可以再問架!