IPO 手續費最平係咪中銀?

本人中銀/上海商業/東亞/恆生都有股票戶口
中銀主要而家買賣股票戶口
上海商業以前買賣股票戶口,而家都用緊,因為以前買落左d股票未賣晒!
東亞主要而家買賣新股(ipo)股票戶口(暫時抽黃表免費及免存倉)
恆生極小用,因為以前買落左d股票未賣晒!
而家最好係去有Saving Account銀行開股票戶口比較方便,因為d錢容易調動!開埋網上戶口更方便!手續費間間銀行5差5多,網上交易係最平,暫時好似匯豐同恆生比較貴,中銀就中間平均d,東亞好似最平d但網上交易慢d,所以我會選中銀!
如果只係比較網上抽新股手續費,東亞最好,暫時5洗錢,中銀$100,上海商業$100,但始終中銀分行多d,入數會方便d,網上既網絡又好dd!
最後我建議中銀

我都用 [中銀] , 有時真係俾佢個 [上限] , [ 下限] 吹漲 , 不過有時又會多得佢 , 因為有時佢話[ 上限] 太高而彈我出來 , 跟住就見隻股係咁跌 , 我心諗好彩入唔到飛啫 , 唔係既話就又買貴左.
中銀去年收費 80 , 今年一下加到 100 , 我覺得有 d 過份 ......服務又唔係好過人......不過愛祖國用國貨 , 算啦.

我係用中銀的，但係我同你相反，我諗住將D錢調去匯豐恆生，之前就話中銀的買賣佣金較便宜，但是2008年開始已經加價至同匯豐恆生一樣的100元，中銀的股票存倉費只計5月尾和11月尾果日，只要無股票在戶口就唔收每期100元的費用，而我所知匯豐恆生係唔理你期末有無股票在倉內，只要在期內曾經有過買賣就會收，但因我長期有股票在倉，所以這個收費對我影嚮不大！
但，為甚麼我想轉去匯豐恆生呢？就是因為我認為在中銀沽出股票實在極度麻煩！例如我想早一晚set定個價明天賣出！「唔得！」因為中銀只可在每天早上8:30-4:00SET價，而且輸入的買賣價不可多過上下20格！即是你想隻股市價10.00，買入最多只可以入9.8，沽出最高只可以入10.2，你話喇！一個有正職要做的人，佢這些時間限制和價格限制係幾不合理！
而我從朋友處聽返來，匯豐恆生不單止可以今天設定下個交易日的指令，甚至乎這個指令可以維持1星期，而且對輸入價格範圍無咁大限制，總之到價就會同你執行指令，淨係呢樣野中銀已經差上千萬倍！我就係因為用中銀，所以錯過左好多好多止賺止蝕和買入沽出的機會！真係激到我火都黎！