✔ 最佳答案
A.倉鼠打交係因為佢地本身就係獨居動物,根本唔適合同其他鼠一齊住既
我明白坊間同鼠店都話倉鼠係群居,但從生物學角度,鼠鼠真係獨居架,只係多數鼠細個都唔打交,所以就易令人有錯覺,又有好多人話鼠打交只係,甚至話係增進感情,好彩就打唔傷,但留意一下過去既知識,就見到有不少鼠打傷打死
我細個時試過一籠放兩兄弟,個籠好大,有2間屋仔,2個瞭望台,好多野都有兩樣,都一樣打到頭都甩,就算係再大既籠,同性唔同性,係咪同一胎,其實都會打既
沖完涼再放埋一齊既方法我都試過好多次,一樣打得好勁呢
我都好想一籠多鼠,但好多人地講既方法我細個都試過晒,結果都一樣,唔想你步我後塵,所以希望你可以考慮一下以下幾點:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶
B.唔知被打既鼠有冇受傷呢?有冇流血?記得檢查清楚佢地有冇事
打交受傷既處理方法如下:
1)有流血既話,用藥用棉花咁住傷口,用外傷既藥同佢搽,小心唔好整到眼耳口鼻.
2)同其他鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重.
3)冇受傷既鼠,都必須要仔細檢查一下真係有冇受傷
4)佢地兩隻都受驚啦,受驚好易會有其他毛病,同時要keep住檢查佢地既身體同排泄物有冇其他異常
5)保持個籠乾爽清潔,避免細菌感染
6)如果有內服既"外傷素"就可以俾鼠鼠飲住先,但嚴重成咁其實都係要盡快睇醫生先係最好既方法
7)如果流血既情況嚴重, 其實都幾難止血,因為鼠鼠本身會爪會咬,如果都係止唔到既,俾佢試下自己處唔處理到.都係唔得既都幾危險,鼠鼠咁細隻,如果不斷流血,好快就會失血過多...盡快帶佢睇醫生啦.
8)睇醫生既話可以考慮一下
愛護動物協會診所資料:
http://www.spca.org.hk/chi/vet/vetclinic.html (需入會)
愛護動物協會流動醫療車資料:
http://www.spca.org.hk/chi/vet/moclinic.html
2008-01-08 20:18:43 補充：
A.如果你離家四天,你可以放定食水,問題其實都唔太大,之前我有事忽然入醫院一段時間,我既鼠都冇人理,但我習慣一次放大量食物,所以我返返屋企時佢都冇問題不過最好緊係有朋友可以幫你睇住先,識唔識養鼠都冇所謂,只係幫手換水都好足夠,都可以搵鼠店暫托,近屋企同信得過先好就咁放在家or俾朋友or鼠店睇住先有幾樣野我覺得要留意既
2008-01-08 20:20:31 補充：
1)你出門前同返唻記得同鼠鼠沖涼同換木糠2)預早放多幾日既食物,去4日就放夠6日糧(多d都唔怕,只可放鼠鼠既混合主糧),多好過少,唔洗朋友or鼠店換糧,可以減少開左籠唔記得閂既機會,但都要放定d糧俾你朋友or鼠店以防萬一,如果冇糧又唔洗忽然要鼠鼠轉糧3)水就要請你朋友記得日日換,就咁放在家就出門前一刻同佢換水,入滿一支4)留意一下水樽出水有冇問題,同會唔會漏水5)唔好放鼠鼠去曬到or凍到既地方6)關好籠既門,最好用匙扣之類既野鎖好,以防鼠鼠識開門,同時都要檢查清楚個籠有冇地方整得唔好,唔好俾鼠鼠有機會走左去
2008-01-08 20:21:06 補充：
B.似小灰霸OR小紫王,第一張唔係幾睇到背既毛色,第2張就好暗你可以留意返佢係黑(小灰霸)定係紫黑色(小紫王)第1張佢坐緊,咁睇實好肥,第2張睇落就略肥咁健唔健康就應該拎起佢睇晒佢成身同排泄物,睇埋佢活動情況先知,如果只係睇相,見佢都有食野,眼又好似冇咩問題,睇到既毛都整齊冇少,只係睇呢部份都算健康,鼠鼠好得意唔知你張相幾時影,而家天氣較涼,記得同鼠鼠做好保暖,用鼠棉,加多木糠,放既位置唔好咁凍
