✔ 最佳答案
1. 我究竟應唔應該追果個b女仔 ?
其實冇話咩應唔應該既...不過你自己都有諗...
好驚之後升中會同佢分開...
如果你幾肯定你地唔會同一間中學..咁我就希望你三思下...
不過正常黎講...你仲有一個呈分試...
除非你兼顧到兩方面...如果唔係兩邊都衰左會好慘..
我並冇詛咒你既意思...不過凡事不怕一萬只怕萬一...
如果真係比你追到...話同一間中學都好 D ...
起碼都仲見到面...但係如果唔同學校...
就會比較難...由小學升上中學...有好多野都唔同左..
一定要俾時間去適應...所以你地會好少時間見面..
更何況...如果對方係入男女校既話...而你唔同佢同一間學校..
你都會驚你地隨時分手架嘛...
我既意思係...可能你地各自都搵到更理想既對象..
2.點先知c女仔係唔係真係鐘意我?
你可以從日常留意下...佢係咪只係對你一個好呢 ?
如果佢對個個都咁好..咁佢係天生善良..並唔係對你有異樣感覺..
不過其實你既「證據」係指咩呢 ?
情信 ?? 係你張凳度刻「我愛你」三個字 ?
定係其實只係人地所講...抑或對方其實表錯情..
令你地大家都有個錯覺佢鐘意你 ?
另外...要反問一下...如果佢真係鐘意你...咁你會點 ?
唔鐘意 b 女仔走去鐘意 c 女仔 ??
定係好驚佢...一見到佢就愈走愈遠??
定係只係知道自己比人鐘意...只係覺得好開心 ?
你地都就黎畢業...起碼都留返個開心回憶俾自己..
唔好令大家尷尷尬尬咁...
3. 究竟應唔應該違約?唔幫佢追b女仔
其實當初約法三章個陣你就應該諗清楚...
你都話你作為佢既「好朋友」...唔忍心見到佢食煙..
你認為好朋友係會講大話架咩 ?
如果你真係唔幫佢...你自己又冇十足把握追到個女仔..
到時你只會冇左呢個好朋友...又冇左個女仔...
如果你真係真係非常之唔想幫佢..
唯有不斷引誘佢食煙...咁你就唔使守承諾...
不過...我想講...你一定要體會你個好朋友既感受..
假如你真係唔幫佢...後來你仲追埋佢鐘意左 5 年既女仔..
佢一定會有種比兄弟出賣既感覺..
點解你會當佢「好朋友」呢 ?
因為你地一齊玩...一齊食野...總之一齊做過好多野..
講真...既然你都會問應唔應該違約..
你自己心裡面都會有個答案...
如果我答你係「應該」既話...你忍唔忍心呢 ?
如果我答你「唔應該」...你既心情又會係點呢 ?
真係有樣野要叮囑你...你呢個年紀真係唔適合拍拖...
就算比你追到...升中後真係真係好易散...
都係專心成績啦..