✔ 最佳答案
1&2化妝前要搽適合妳皮膚o既護膚品黎提供養份俾妳o既皮膚,如果妳係油性皮膚o既話我會建議妳搽爽膚水-保濕或美白精華-eye gel-控油乳液,而喺化妝前搽用黎保護皮膚同隔離化妝品o既野叫make up base,用左會幫妳之後上粉會貼服d同埋持久d,如果妳想可以當埋粉底用o既話我會推介妳用giorgio armani UV master primer SPF 40/PA+++大約$380 30ml佢本身已經有小小肉色,搽左上面會好自然同埋會幫妳均勻返妳o既膚色,再加上佢裡面有d反光粒子,可以提升妳o既輪廓令佢更加突出,而且佢o既防曬度數已經足夠提供妳平時一日正常o既保護,唔需要再額外加防曬亦都可以唔洗再搽粉底,由於妳係油性皮膚所以妳係唔可以直接上胭脂架,因為妳一出油塊面就會一達達架啦,我會建議妳薄薄上一層碎粉,而我自己就會上一層za既美白護膚粉$98,無咁傷皮膚之餘仲有美白效果添!雖然係貴左少少,但係我買一支日日用o既話都可以用到兩個月,而且佢o既品質好好,係我用過咁多隻make up base之中最好最全面o既,真係物有所值架! 2.莎莎同卓悅30幾蚊o個d已經ok,最好揀有得較兩種溫度o個種,但係要注意最好係o係搽完睫毛液之後先用,因為佢本身溫度都幾高就咁用會傷到眼睫毛架,而我自己本身係唔識用睫毛夾夾睫毛所以一直都係用電眼睫毛棒,希望可以幫到妳啦^^
2008-01-09 03:36:47 補充:
美白護膚粉喺大型莎莎或者屈臣氏有得賣,而giorgio armani我所知o既專櫃喺金鐘太古廣場西武