數碼相機的問題

其實要視乎你用途.
擺喺自己電腦只係檔案大小小,建議keep最大的解像度,將來可以改細,細咗就冇得改翻大.
如果要上傳去網頁,考慮就比較多,檔案越細上傳越快,所佔網頁的空間亦越小,再開翻來睇亦越快.但要放大睇就會起格.攞去晒相亦唔多掂.
檔案大當然可以做既嘢比較多,但一來慢二來很多網站亦禁止太大的檔案上傳.
一般只係睇下內容例如寫網誌之類用VGA,即係640 x 480都差不多.例如Yahoo Blog都唔俾你再大.如果屬一般欣賞性質我覺得800 x 600,或者1024 x 768都差不多了,因為再大的話直度相己經要移來移去先睇得晒.
如果真係要晒相,1800 x 1200好喇,已經足夠晒4R,最大實在唔適宜喺網頁搞.
原檔即係最大解像只適合一張半張偶然分享下.
2M.3M/5M/7M的表達大籠統,因為壓縮度唔同解像度可以差好遠.建議睇翻係幾多 x 幾多.咁多個容量中以2M最細,低壓縮度下大約是1800 x 1200左右.其實對上傳來講己經好大下.
你可以下載Infranview去調整相片的解像度,就唔駛一係VGA,一係就去到2M咁勁,下面是連結.
http://www.download.com/IrfanView/3000-2192-10021962.html?part=dl-IrfanView&subj=dl&tag=button