✔ 最佳答案
我而家都配帶緊泰國佛牌,我將我嘅經驗同知識話比你知.
1.佛牌有無開光?
我哋普通人係唔會知道個佛牌開咗光未,唯有信賣佛牌比你嘅鋪頭,如果你有懷疑的話,可以攞比啲泰國高僧,佢地接觸個佛牌,就知道有沒有開光,又有啲人話如果開咗光,自己揸上手可以有感應,不過因人而異,我就從沒有感應過,不過我亦無懷疑過我嘅佛牌未開光,第一,供請得就要信,有懷疑仲供請嚟做乜,第二,我去供請嘅賣佛牌鋪頭都係信譽良好嘅,所以我放心.
2. 如果請咗未開光嘅佛牌會唔會有反效果?
如果未開光嘅佛牌,基本上係一件死物,帶上身只算係一件裝飾物,唔係靈物,唔會保佑你,但亦唔會有什麼反效果,就好似九龍城同觀塘有啲金鋪都有佛牌賣,不過嗰啲全部都未開光,帶咗咪當係一件飾物囉,除非你嗰個牌有污糟嘢,如果唔係都唔會有什麼反效果的,出面啲呃人嘅鋪頭,最差嘅都係賣啲未開光嘅假嘢啫,唔會賣啲污糟嘢比人嘅,放心!
3. 戴佛牌有什麼禁忌同保養?
一) 除咗嗰啲[和合燕通]之外,所有佛牌行房時一定要除下,此乃大忌,千萬不可以犯,否則褻瀆神明.
二) 沖涼時不要戴,一來怕佛牌會入水, 二來即使你個牌係防水嘅,都怕你用抹過身體嘅毛巾來抹佛牌.
三) 不要放在褲袋,不要放在低過腰的地方,例如:梳化,椅子,茶几,床上等.不配戴時要放在較高的地方.通常配戴型的佛牌不用供奉,不戴時放在乾淨的較高地方,或者觀音,佛祖或關帝的神樓上也可以.我就放在佛祖前面,不要放在祖先靈位,因為祖先係陰靈,簡單啲講即係鬼.
四) 給其他人觸摸佛牌是沒問題的,但雙手一定要乾淨,尤其去完廁所要洗手先至摸佛牌,就算自己摸,都要乾淨.
除咗第一點係大忌不能犯之外,其他的,如果一時疏忽犯咗,都唔係大問題,只要誠心向神佛講對唔起,以後不再犯,然後唸一遍經文,神佛會原諒你的.
4) 必打佛,象神,坤平係有不同的經文的,在你供請佛牌時應該比埋你㗎喎,因為就算同一個必打佛,不同佛寺,不同高僧製造都有不同嘅經文,不可以亂唸㗎喎,我都有必打佛,象神,坤平嘅經文,但唔一定適合你的,所以你要問返你供請嘅地方.
5)而家你有三個佛牌,如果你一條鍊帶晒三個有分次序㗎喎,你知唔知㗎?佢地有無教你?如果你唔知,你加喺補充入面話我聽,我再教你戴吧.
2008-01-07 03:03:55 補充：
對唔住,唔記得答你必打佛,象神,坤平有什麼作用添.1.必打佛:你嗰個必打佛係幾多隻手㗎,大多數都係兩隻手,主要辟邪,擋險,避小人,尤其擋險及避小人一流,有些必打佛仲有招財作用,要視乎邊個高僧做嘅,如果十手必打佛,更加係擋險聖物,不過就不能招財了.因為全身10個窿都用手掩住,衰運入不到,但財運亦入不到了.2.象神:除咗辟邪,保平安之外,最大功效係招正財,做生意最好,亦有利事業,有啲象神有吐寶鼠喺佢前面,作用係加強招財功效,3.坤平:最出名當然係人綠喇,包括異性綠,有溝女佛之外號,仲可以擋險,保平安,有啲更可招財,又要視乎邊個高僧製造了.
2008-01-07 21:23:40 補充：
回答你嘅補充:1)你帶嘅次序有錯,三個佛牌入面,必打佛最大,一定要放中間,其次到象神,放在你的左邊,坤平最細,因為坤平唔係佛陀,放在你的右邊.2)至於你啲佛牌有無開光,我不敢妄語,都係嗰句喇,你供請得就要對個佛牌有信心,如果你自己都無信心,個佛牌又點幫到你同保佑你呢?如果有機會遇到泰國高僧,可以請佢地鑑定同加持,我知香港有啲出名嘅賣佛牌鋪頭,耐不耐就會請啲出名嘅高僧或者白衣嚟香港做法事,你可以搵呢啲高僧或者白衣幫你加持,所謂白衣即是帶髮修行的僧人,不算正式和尚.
2008-01-07 21:28:36 補充：
3)我知有幾句經文係任何佛牌都啱用的,不過只係用嚟開經頌佛及加持用的,唔係正式嘅佛牌經文,我即管比你,雖然幫助不大,不過唸咗都無壞,尤其適用於佛陀,必打佛都係佛陀.經文如下: 甩麼達撒,柏卡娃多,亞哪哈多,審瑪審鉢達撒. (唸三次,是開經咒來的)潑騰亞哪得哪NANG,騰忟亞哪得哪NANG,省哽亞哪得哪NANG,潑騰匹舌鐵咩, 騰忟匹舌鐵咩, 省哽匹舌鐵咩. (唸一次,是加持咒來的)4)仲有,據我所了解,無話過女性不可以觸摸佛牌,我太太係泰國人,佢成日都觸摸我啲佛牌,都無問題,記得隻手要乾淨便是,有啲鋪頭係女性賣佛牌添,又唔見有問題,係唔係?
