我想問關於胃痛既問題...我女友成日胃痛..又唔睇醫生..又唔食藥..我可以點做??..成日見到佢胃痛得咁辛苦..好擔心

佢係咪食野唔定時又唔定量呀？定係一食某啲食物就會痛？抑或鍾意隊酒？
以上任何一樣都要改變飲食習慣：第一，進食要定時定量，唔好一係就餓死一係就飽死，個胃會唔知幾時分泌胃液好架，分泌得多，原來你食得咁少，梗係乸胃啦，分泌得少，原來你食咁多，都消化唔到，梗係頂住個胃啦；第二，好多人都會對某啲食物敏感，例如一食糯米呢類咁難消化既食物就會胃痛，咁就要留意下佢會唔會食到啲乜野就會胃痛啦；第三，唔駛講鍾意隊酒就乜都死，尤其空肚飲。
其實病向淺中醫，都係叫你女友快啲去睇醫生啦，而且可能係個膽有事，因為位置相近，好多人都以為係胃痛，就掉以輕心。

你可在市面上買瓶名叫川貝枇杷膏回家後用溫滾水沖服。
另外可以食榴槤，一星期食一至兩次，食後要飲五花茶解除熱毒。