妹妹就呢結婚, 哥哥應該點做呀 ??

我的弟弟在07年11月結婚而我尚未結婚,
但我沒有送金飾給弟婦反而給利是他們2人,
至於利是多少就看你收入而給與多少,因我
收入不多只給他們利是港幣5,000.00作為結
婚禮物,其實我和弟弟都沒有多交談的,情況
和你一樣的,而我看法是盡家姐一份心意,不
會看平時怎樣和他相處的,希望我的例子可
供你參考呢?

就算你未結婚佢都係會斟茶俾你飲,通常都係飲完茶之後俾利是一對新人同送手飾俾個新娘
我有朋友結婚果時佢家姐同阿哥都未結婚,不過兩個都有俾利是同送金器俾佢,
其實如果唔想送金(一來貴, 二來唔會再帶番,而且你地感情唔好, 佢可能轉個頭就攞去賣)可以送鑽石手鏈,都係3千幾蚊左右, 起碼第時可以帶番(我家姐都話第時如果我嫁得出都會送鑽石手鏈俾我), 致於封利是要幾大封就唔知喇,我諗你要問下d長輩要俾幾多

戴喜，係中國傳統，做哥哥要有野比個妹戴起，而家d金八千幾蚊兩，買到一兩都輕飄飄，一係買戒子，但如果係金戒子就唔可以單隻，要買一對，送埋比妹夫，其實可以考慮鑽石戒子仔，千零二千蚊已經幾唔錯，又好睇又有野比佢戴，如果男女家屋企人都唔多，就變左新娘少野戴，最好問下你個妹想點

未結婚不用封利是的，你是哥哥，禮儀上新郎新娘會斟茶給你，斟茶時便要送金器，要給新娘「戴起」金器，呢ｄ係中國人叫既「戴喜」，好重要的。手鍊或介指都可以的，不過其實你可以和你妹妹先溝通一下，看她喜歡甚麼，因現在好多人都不喜歡金飾，可以選擇買白金或鑽石等等。

如果結左婚，就要封利是同送金器，但係你未結婚，所以你剩係送金器就得啦。記住係喺一對新人斟茶比你嗰陣先送。

Yes去送一份結婚禮物,妹妹一定會happy