我隻狗前幾日吾系好食野, 爸爸帶左佢去睇醫生, 話系「牛痺熱」..
佢系金色拉布拉多尋回犬, 7歲大..
尋日睇完獸醫之後餵藥佢食佢食完又嘔, 吾食野
試過比佢食狗罐頭 (個獸醫話好香狗狗實食架), 但系佢舔左幾舔就吾食.. 普通狗罐頭更加吾食
之後我地食橙, 佢就走埋黎, 於是比佢食左幾舊, 佢又食喎! 於是比左成個橙佢食 (獸醫吾prefer 但都無辦法, 佢吾肯食其他野) 但系之後夜晚又嘔番哂出黎..
買左D雞肝鴨肝煮熟比佢食.. 但佢都系吾食
今日仲要嘔黃色半固態既野出黎.. 我估系黃膽水.. 因為佢都無食野嘔吾倒野食出黎..
今日買左叉燒比佢, 佢舔左幾下, 都系吾肯食..
白麵包又比過佢食, 佢都系吾食.. 依加吾知點算好 ><
爸爸開左葡萄水佢飲, 想比佢補充能量啦, 但佢又吾飲喎.. 我叫佢飲, 佢都飲左幾啖既.. 不過之後爸爸用針筒「噴」落佢個口入面, 佢好辛苦咁, 都只系飲左半支針筒既葡萄水..
(下面續)
更新1:
另外就系食藥方面, 爸爸拉開狗狗個口放幾粒藥落去, 掃佢頸等佢吞, 佢好似好辛苦咁, 尋晚食完藥又嘔番出黎, 今日用麵包包住2粒止嘔藥佢食, 佢之後都無食到野啦.. 我諗佢都仲ok精神下.. 因為佢雖然成日坐下訓下咁, 但都成日跟出跟入, 又想人同佢掃個肚仔, 總之好痴人 佢又肯落街行下, 去廁所咁, 不過只有小便無大便, 應該系因為佢無食野既關係.. 依加好擔心佢啊.. 佢好乖好乖架! 平時又活潑.. 但依加好似都好累咁.. 我聽人講「牛痺熱」重則會死架.. 都好長手尾下.. 好擔心.. 佢又吾肯食野戈下弊!
更新2:
有無人試過自己狗狗都有過呢種病? 點好番幾耐先好番? 知吾知點樣令狗狗有番少少食慾? 定系由佢餓下....? 佢仲有貧血.. 系咪一定要輸血先得? 有無邊間獸醫診所好好(我住美孚)? 愛護動物協會又點? 有無資料提供要點打理患左「牛痺熱」既狗狗啊? 好多野問.. 麻煩哂大家.. 但我真系好擔心佢..
