高雄四日三夜自遊行, 誠徵行程^^

去高雄但唔行d百貨公司, 咁你要將d觀光景點"深度行"至得, 否則悶死你...
我提議你當中去墾丁玩下, 雖然冬天無水上活動, 但睇下景都正la. 而咁你好似會有少少走馬看花feel, 但起碼你成個行程都會好充實.

第1天 : 高鐡左營站附近的'蓮池潭' --> 瑞豐夜市 (好多台灣人都話呢個夜市 平過又大過又好過六合夜市, 但每星期一&三off)

第2天 : 一大早去墾丁, 行鵝鸞鼻(好靚景)/出火(地下d火唔會熄ka)/後壁湖(食魚生)/國立海洋生物博物館(唔夠時間就唔好去, 入埸費要百幾HKD, 你行得一陣, 太蝕抵)/墾丁大街(吃小食)
> 高雄火車站有客運直達墾丁, 班次好密. 客運係24小時, 但愈夜班次就愈疏la.
> 我唔知你買高雄package還是點. 若你買package, 又唔mind豪左高雄1晚酒店錢. 你就當晚住墾丁大街d民宿la, 唔使咁趕嘛. 推介住大灣路果d, sea view好正.
> 特別留意! 來往景點果d墾丁公車非常非常疏, 而且4 5 6點就已經係尾班車. 若豪得起, 就join果d的士包車la. 你話去邊就去邊, 佢地多數仲會幫你plan埋行程, pro過d導遊. 無論高雄火車站還是到墾丁, 都會好多人sell你. 但最好唔好聽佢地叫你住果d地方, 大多佢地有佣

第3天 : 高雄旗津(踩單車) --> 打狗英國領事館(tea) --> 六合夜市(咁出名, 點都要去一去)

第4天 : 壽山動物園 --> 香港

你可第一天先玩高雄市(西子灣.旗津.蓮池塘.....)
第二天玩高雄縣(美濃.佛光山.....)
第三天玩墾丁(海生館.鵝鸞鼻.佳洛水....)
交通旅遊問題可洽[email protected]蔡先生詢問