冷笑話反應

我先將你講既「冷笑話」理解成「爛GAG」。


聽完冷笑話有咩反應？
咁當然要睇講笑話既對象。

如果係死黨，咁當然可以唔比面咁窒佢「好爛呀」、「乜你咁kai架」etc。如果對象係上頭，咁就最好比番少少面佢。例如可以講「哈，你真係識講笑呀」(雙重意思)，或者直接迴避「邊度聽番黎架？」。不過我諗大家都知，有啲人既冷笑話可以爛到想喊，但係又想比面佢既話，可以唔窒佢淨係苦笑或者「吓，咁都得…」。

但係，如果果個係伴侶，唔想做hurter咁就應該要處理得好有技巧
例如可以笑下同用比較玩笑語氣性質咁講：「講咩無聊野呀你？」然後撫下佢塊面之類。而基於對方性別同性格唔同等等可以調整一下自己既反應。如果你係女的話甚至可以輕力打下佢，當然唔係講緊一巴車埋佢舊面度果啲 (性別歧視?)


冷笑話中有唔少係食字型，食字型既都唔錯呀，但係創作上有一定難度，如果用流傳既食字型冷笑話，最好係對方未聽過，即係可以選擇比較冷門既。如果一講出黎佢聽過既話個場面都幾咩下…(我都唔識點講=.=)
帶意思既冷笑話都好好。不過諷刺性愈強我就愈喜歡

2008-01-06 18:04:11 補充：
對於我而言，食字性 = 利用諧音搞GAG意思性 = 諗唔到定義，例子就諗到一個「係Yahoo知識 冇人識既問題可以去地獄知識 度問。」雖然係我自己諗出黎，不過自己聽到都覺得好爛＝_＝"

無反應,無奈
鐘意食字多D