我鼠鼠好好似想自殺咁,點解???有咩方法??

唔洗客氣,叫我杰就可以了

你既鼠鼠係咁打自己係咪指佢係咁抓自己抓到傷晒?有冇流血?係咪肯定係佢自己打自己
暫未聽過倉鼠會自殺,倉鼠係會努力生存同自我保護既,好多動物都係會咁(人我諗算比較例外),如果出現自殘既情況多數因為唔舒服or受驚,佢咁既情況都一定有受驚
鼠鼠如果有皮膚病,覺得身痕,都會不斷抓自己,又或有傷口,瘡,腫瘤之類問題,都會想令自己舒服d而抓,因為鼠鼠唔識好似人咁去處理,往往只會愈整愈嚴重
而受驚既鼠都好易做出一d反常行為,好似發晒狂晒,而受驚既鼠都好易做出一d反常行為,好似發晒狂晒,受驚仲有機會誘發肚瀉,甩毛等問題

暫時既處理方法如下:
1)有第隻鼠既話要分籠(鼠鼠本身係獨居動物,冇事都係分籠會對鼠鼠好d)
2)檢查鼠鼠既身體or排泄物有冇異常,有問題再因應返唻處理
3)檢查身體同處理問題之外,就唔好打擾鼠鼠,俾鼠鼠靜下,到鼠鼠冇事之後先同鼠鼠玩
3)如果係有第隻鼠同佢一齊,都必須要仔細檢查一下身體及排泄物有冇異常
4)如果佢有撞野既話,就要拆左轉輪及其他玩具,減少鼠鼠既危險
5)如果有爬高,係通風式既籠,可以轉用龜缸之類,減少鼠鼠爬高整親既機會
6)睇返之前有隻鼠生過bb,而鼠爸你話過佢好火,始終繁殖有我之前講既問題,對一家大細既情緒都有機會受影響,如果係一籠多鼠or幾個籠放得近,都有機會受驚,都要留意返會唔會有第d野嚇親鼠鼠

留意以上問題同時,睇返佢係咩事,再因應以下唔同既情況再作處理:(以上既一定要留意)

A.流血or受傷既處理方法:
1)有第隻鼠既話要分籠
2)有流血既話,用藥用棉花咁住傷口,用外傷既藥同佢搽,小心唔好整到眼耳口鼻
3)保持個籠乾爽清潔,避免細菌感染
4)如果有內服既"外傷素"就可以俾鼠鼠飲住先,但嚴重既話都係要盡快睇醫生先係最好既方法
5)如果流血既情況嚴重, 其實都幾難止血,因為鼠鼠本身會爪會咬,如果都係止唔到既,俾佢試下自己處唔處理到.都係唔得既都幾危險,鼠鼠咁細隻,如果不斷流血,好快就會失血過多...盡快帶佢睇醫生啦.

B.有皮膚病既做法:
1)有第隻鼠既話要分籠,避免傳染or第隻鼠乘機打病既鼠(不過鼠鼠其實係獨居動物,分開住會好d)
2)仔細檢查鼠鼠既食物,會唔會有寄生物,有時有既話未必咁易睇到,呢d寄生物都會令鼠鼠甩毛既
3)有皮膚病就要保持個籠乾爽清潔
4)同鼠鼠每日用藥性沖涼粉沖涼,之後噴/搽藥皮膚病既藥水,藥水應該好多有賣鼠用品既地方都會有,買既時候記得睇下有效日期.
藥水噴落傷口既時候,鼠鼠既反應會好大,我諗應該幾痛啦,所以下次噴就會更難,鼠鼠會反抗愈唻愈大,小心d唔好因為咁而噴到鼠鼠既眼耳口鼻.如果脫毛既地方接近頭部/擔心會噴得唔好,就可以用棉花棒同鼠鼠搽藥.
5)有俾鼠鼠飲既皮膚病內服藥水,叫"美毛素",如果買到都可以加入鼠鼠飲用既水度俾鼠鼠飲,雖然效果比較慢,但唔洗噴藥咁難.價錢就比較貴,大約$55-70,買既時候記得睇下有效日期.
6)唔好俾零食俾鼠鼠食,戒下口先,曾經有鼠店既人話,食人食既食物都會引致有皮膚病,而人既食物其實一般都唔適合鼠鼠,所以唔俾鼠鼠食都係好既.
7)唔好用有色or有味既木糠,因為呢d都好易令鼠鼠皮膚敏感,敏感嚴重起唻係會致命既
8)當然可以直接帶佢睇醫生啦

2008-01-06 15:28:39 補充：
如果唔係呢兩個情況,可再補充

2008-01-07 19:50:12 補充：
用籠養寵物應該就唔係犯法,如果咁係犯法,寵物店甚至愛護動物協會咪要關門?如果你係講真既,就要用返籠去養,屋企地面始終地下始終覺得唔夠衛生,加上鼠鼠好易受驚,如果忽然走左去就慘萬一地下有咩昆蟲垃圾,鼠鼠捉唻食,又未必夠快手捉得住佢or未必睇到屋企地下都可能危機四伏,有時未必真係可以好細心了解晒所以位置對鼠鼠會唔會做成傷害

go to see the vet

圖片參考：http://www.angelfire.com/moon/karen_choi/hane_1.gif


圖片參考：http://www.angelfire.com/moon/karen_choi/line6.gif


圖片參考：http://www.angelfire.com/moon/karen_choi/cool3D_4.gif

1. 注意事項:
圖片參考：http://www.angelfire.com/moon/karen_choi/ani_denkyuu.gif












a. 鼠是在白天睡覺，不會被人干擾。
b. 需要在一個乾淨的籠子和有和新鮮的食物。
c. 睡覺的時候要有一個很寧靜的環境。
d. 如果主人長期不在家便要找人照顧鼠鼠。(約4日以上)
e. 每天要給鼠鼠1-2 小時籠外的活動時間，讓牠們做做運動。
f. 給鼠鼠一個大一些的籠子，這樣提供多一些的活動空間。
g. 不要放其它的寵物，否則會傷害鼠鼠。
h. 當然要有愛心啦！
圖片參考：http://www.angelfire.com/moon/karen_choi/pic25.gif

　
2. 料理
圖片參考：http://www.angelfire.com/moon/karen_choi/ski.gif

1) 餵飼方面
圖片參考：http://www.angelfire.com/moon/karen_choi/hampani1.gif

倉鼠糧已有足夠的營養, 但倉鼠揀飲擇食, 一包糧只食三分之一, 所以不夠營養。
以下是一些提議:宜食清淡食品如新鮮蔬菜, 蘿蔔, 水果,倉鼠專用零食, 暖開水。因
為這些食物營養較高。忌吃熱氣的食物瓜子, 肉類等。瓜
子和熱氣的食物會使倉鼠脾氣暴躁。

圖片參考：http://www.angelfire.com/moon/karen_choi/s55.gif

　
2) 清潔方面
圖片參考：http://www.angelfire.com/moon/karen_choi/hamsani.gif

雖然倉鼠會用口水來清潔, 但並唔不夠乾淨, 所以最好日日都要沖涼一次, 會較健
康!!
---預備一個膠兜, 放隻鼠入去, 再用洗澡沙灑在背部, 注意不要灑到牠們的眼睛，
，再用擦擦下個身。注意定期幫牠們換木糠和清洗籠子!!
　
倉鼠唔可以用水沖涼，只需用涼粉。倉鼠專用的沖涼粉可以在倉鼠店買到，
每隔1至2星期可沖涼一次。籠要空氣流通，鐵籠適合夏天用，膠籠適合冬天用。
籠不要被陽光直射，每3-5日換一次木糠。水樽要檢查沒有塞，每3-5日換一次。
　

圖片參考：http://www.angelfire.com/moon/karen_choi/line25.gif