已證實有了bb......但第四個星期..有啡色物

我建議你不如睇中醫呀!應該係作小產呀~我之前都係咁,入過急証留院都係咁無好轉,仲留血tim!!睇左中醫飲左一星期藥就好返啦(其實第ニ次藥已止血)~我而家都8個月啦!你唔好拖啦!!頭三個月要好小心保胎架!!
你唔介意我可以介紹我睇開個中醫俾你呀!因為佢幾勁下,唔使講都知你咩情況!

一定要睇產科啊!
我剛剛在07年7月頭的時候,
同你一樣,已證實有了BB 4 WEEKS,但就流啡;
(我一驗到有已經照埋超聲波了)
我的產科醫生開了藥,而且寫了1星期假俾我,叫我訓床休息,1星期後再覆診;
如果有血OR肚痛,就要即入院,
因為怕我個胎唔好,作小產OR宮外孕;
但情況一直都是差不多...
(產科一直睇我生第一胎時的私家產科醫生,會比較好的;而且我第一胎都冇咁的情況)

到5 WEEKS覆診,
照超聲波都是一樣,又要再食藥,而再寫了1星期假,
但情況一樣...

到6 WEEKS覆診,
我好擔心,在醫生面前喊埋出黎...
但醫生見到我咁,只可以叫我唔好傷心,繼續休息,食藥...

到6 WEEKS 4 DAYS,
不幸地,一早返工見到血絲了,即刻入了急症,
(我入公家的,因為有了BB,等了15MINS.,已經入得去見醫生)
佢初初都是以為我作小產,但因為怕BB有時,
可以即時入院,上到產科病房,
再照了成半個鐘超聲波,先見到個胎在輸卵管(即是宮外孕)
佢地抽埋我血,即日出到REPORT,因為我懷孕指數已經是1萬多了,
要即日做手術,就是這樣,我的BB就...

我陀第1胎時,到12 WEEKS,個肚先開始大的,
但分沁物就會比未有BB時多(但都是無色OR比較米白)

建議你一定要去私家產科醫生照超聲波,
多D休息,仲一定要食醫生開的藥啊(佢地開的是葉酸黎的)
如果肚痛OR見到有血絲(少少紅色)
就一定要即入院OR睇急症啊!

祝你同BB身體健康!
期待你同你BB的好消息啊^^

我之前頭4個月都係見啡見紅...其實好多人都會咁
咁樣即係人地講既作小產...唔係真係小產
係要多休息,個人要放鬆d,頭3..4個月好緊要架...可以既就訓多d床...
有d人到生得都有咁既情況...最好keep住問下醫生同做檢查
飲食都要介口...凍野生冷野唔好食同飲
唔好太操勞,做野唔好心急...
最好睇中醫調理一下



2008-01-11 01:18:27 補充：
你講個d分泌幾時會無...好難答你...一定係個個人唔同...有d到生之前幾日都仲係咁有d人4個月開始就會無...個肚幾時大...4個月一定見...有d人到5個月先見都有...都係個句個個人唔同...最緊要醫生話ok就得啦有左bb放鬆d啦...希望你生個肥肥白白bb

呢個情況好常見，都叫人孕婦都市病既一種，你而家首先要放鬆心情，不要比自己太大壓力，定時睇醫生check下佢穩返未，一般訓2-3星期就好好多架喇~
因我屋企人同一個朋友都有咁既情況，所以好普遍的，放心