男女感情問題

- 如果可以好幾個朋友一齊出黎玩會無咁"無野講"

其實係好正常嘅一個階段，唔可以一直都熱恋期架嘛。
亦都可以有好多其他理由，可能個男仔有d野煩惱緊面對緊，
又或者純粹攰，無精神，什至乎一到冬天個人就會好呆咁...
有好多可能性的，但我相信唔係唔中意個女仔。

可以叫個女仔:
- 男朋友又唔係做錯d咩對唔住妳嘅野，睇開d，
唔好箍得咁緊咁，比d空間佢。

- 自己揾d其他野做，學，玩，或揾朋友出去多d係唔錯嘅選擇，
散下心分散下自己主意力，唔好諗死一邊男朋友點點點唔理妳。
(人好多時越得唔到嘅野就越想得到，得到了有唔會好識得去珍惜。)

- 因為好多人都唔鍾意比人逼，越逼人越討厭，
所以妳可以同男朋友拎出黎講一、兩次
(佢無改變都唔好再提，亦都唔好咁快講第二次，會覺得煩。)
佢會改咁就最好，佢無咩改邊亦都唔好期望咁高，比空間時間佢。
然後妳可以做嘅就係放鬆佢多d，緊佢少d，(唔係一時三刻，要keep住)
佢感覺到妳唔理佢，佢就會自自然然彈番過黎揾下妳架啦。

我唔會建議人地拍咗短短幾個月拖就攞個理由話唔夾就分開揾過第二個。啱啱開持拍拖其實仲有好多野要互相了解揾啱大家嘅相處方式。想同一個人長久係需要負出，而且一定會有問題出現，就係一齊經歷過d問題先會令一段關係更加穩固。睇遠d，未來仲有咁多日子一起走的話，而家少少嘅問題算什麼，咁就分手的話，好唔抵。

=)

感情事梗有起有落架啦,你想幫佢地咪多啲約埋佢地一齊去街、去玩、去睇戲、食飯甚至旅行,製造多啲共同話題囉!

其實個人認為..既然2個人既然拍得拖..
就應該乜都拎出黎講..
如果女方發現有問題存在..
當然就應該同男方講清楚自己既感受..
而唔係而家估估下..
長此落去...只會適得其反..
而且...男孩們大都..得到手..就唔會太過追求..
所以...熱忱過後..有冷靜期..亦係正常既...
但係如果女方同男方講完之後..
都發覺冇改善..而且自己又覺得好辛苦既話..
咁咪退出囉...拍拖都係為求2人可以開開心心姐...
如果拍得咁辛苦..不如唔好拍..
但如果女方真係好愛個男仔既話...
咁咪繼續囉...呢個世界..都有好多人係..1個願打..1個願熬既..
當然...如果雙方談判過後...
情況有所改善既...咁就恭喜晒佢地啦...
that's all...

第1, 個女仔成日搵個男仔.佢可能覺得煩.

第2 .佢問過個男仔，
問：「你係咪冇咁中意我啦？」
個男仔答：「唔係。」
(拍拖的都係咁答la )

第3 ,如果唔夾分開好d wo..個女仔搵個第2個la

第4.做番朋友有計傾..咁不如做朋友la