想問音樂or樂器....

1.樂理係咩黎?
樂理係一o的音樂知識，一至五級樂理內容包括一o的學樂器時會遇到o既一o的詞彙、音階、音程、和弦、節奏.............六至八級樂理所概括o既範疇就更加大，學寫和弦、各種樂器o既特色、音樂歷史..........
2.我年齡都唔細....而家學會唔會遲?
學音樂無分年齡，我覺得幾時起步都唔會遲。
3.係唔係一定要有天份先學得?
學音樂任何人都可以學，有天份同冇天份o既分別只係學得快同慢o者。
4.我對音諧好似有d敏感, 聽過既音樂可以即刻轉成do,re,mi,fa,so,咁 up晒出黎.....亦可以係人地個琴度篤番首歌出黎,ed對學音樂黎講有幫助嗎?
好多人學樂器好幾年先可以將聽到o既旋律轉為sol-fa音，如果未學過音樂又可以做到，相信你對耳仔一定好靈敏。學音樂o既人耳仔靈敏係好重要，因為要靠雙耳去欣賞同分析樂曲，唔識得分析音樂，唔識辨別音樂o既好壞，無論演奏能力有幾高都唔可以稱得上係音樂人。

5.最後...我應唔應該學? if應該....如何起步??
你對音樂有興趣就應該及早學，免得將來後悔。學音樂一般都係由學樂器開始，選擇一種你有興趣o既樂器，如果冇一o的相熟o既老師，可以係琴行學。

如果你對配樂有興趣，可以向作曲、編曲方面發展，不過作曲係音樂上一個好高深o既學問，雖然話係人都可以作歌，但係其實要做一個作曲家並唔容易，不但要對所有樂器要有一定o既知識，樂理方面亦都要有一定高o既水平。另外，自己對各類音樂要有認識，所以要聽多o的唔同時期o既音樂，最起碼一o的出名o既音樂一聽都可以講得出佢o既名同作者。
由零開始去到做到一個配樂師似乎係一件幾遙遠o既事，但係只要有恆心，一定可以做得到。