✔ 最佳答案
能量守衡定律係講緊係一個系統(system)入面的能量總值唔變,即係開始時同結束佢成個系統的總能量冇變。係你個例子,兩件唔同溫度既物體接觸,佢地分別的質量冇變(質量都係能量,根據相對論E=mc^2),而假設A物件開頭的溫度較高,B較低。當佢地接觸後,就會有熱從A傳去B,假設冇能量損失去周圍環境,A損失的熱就=B得到的熱,所以能量係守衡(係黎個假設下,成個系統就只得A,B兩個物件);如果有能量損失去周圍環境,個系統就唔單只A,B,重要包埋佢的周圍成個空間,係呢個情況下,A損失的熱=B得到的熱+周圍空間得到的熱,即成個環境會熱左,不過係現實生活我地唔覺熱左因為上升的溫度太小,因為空間太大。
其實係成個宇宙黎講,由宇宙形成到而家佢的總能量都冇變過,只係由一種形式變成另一種形式存在。