請問倉鼠的正餐是甚麼?(想杰~答)

因為實在太多無聊既來信,所以需要關閉信箱,但我會多加睇返我回答既問題,有睇過我既回答都應該知道我係會補充跟進,所以絕對可以補充or延長發問,但由於閣下係匿名發問,如果我補充既字數用完,通知唔到閣下,所以見我冇補充可考慮另開題目,謝謝(如果問題有關聯又需要匿名,可附上以往匿名問題既網址)

A.通常鼠鼠都係二十多天大就運到去鼠店,所以一般我都會當鼠店買既鼠係一個月大左右,除非你係去買一d人地唔要放在鼠店既鼠,咁就分唔到
想再準d你買既時候可以問返鼠店隻鼠大約到店幾耐,日數再加21日左右,應該最為接近

B.照你既形容,你買既就應該係主食,星星狀除非成包都係星星(好耐之前出過成包星星既零食),唔係既話多數就係主食既一部份

主食同零食唔難分既,一般主食你會見到一包野入面有好多款唔同既野,而零食,大多都係一包一款
我冇研究主食每一粒係咩,主要係睇返食物上寫住既脂肪,蛋白質之類既資料,鼠鼠既主食當中以prestige糧最出名,但我自己既鼠就用開日本牌子marukan,雖然較多瓜子,但冇食零食既情況下鼠鼠都唔會肥,加上我同我叔用左呢隻糧都覺得,鼠鼠既尿好似真係冇咁臭
主食當中較有問題就係LM牌子,有較多負面新聞,我以前都有鼠食過,但當時養得唔係幾好,所以唔敢肯定LM係咪真係唔好

而鼠專食既零食真係幾多下,例如乳酪糖,脫水蔬果,甚至果凍棉花糖都有,但全部我都唔建議俾鼠鼠食,平日可以只俾主食,另加一D草磚or草乾就可以了,我既經驗係,鼠鼠愈少零食,冇咁易胖,身體就愈健康,而家既鼠糧已經較多樣化,有足夠既營養俾鼠鼠,唔洗擔心唔夠
所以可以食埋你已買既零食,就只買主食及草就可以了

之前提及話既橙衣,係指橙既白色部份

C.你既鼠便便呢個狀態係一排出唻就咁定係過左一陣先睇既時候都咁呢?
檢查鼠鼠既便便你可以拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別林or硬左,我成日都會咁做

如果係照返呢個方法去檢查之後都係咁,你既鼠就係肚瀉,好多時新買既鼠都有呢個問題,鼠鼠去到一個陌生既環境,接觸陌生人,鼠鼠一感到壓力,就有機會誘發肚瀉,甩毛,濕尾症等問題

肚瀉既要留意以下幾點:
1)買d止瀉藥加入水度俾佢飲(Gimborn 止瀉藥OR SUPRA-CELL N700止瀉素幾好)
2)唔好食零食之類,蔬果更加唔可以食啦.食鼠主糧,都可以俾d白麵包or麥片佢食.(好少量),其他人既食物當然都係唔好俾鼠鼠食啦,鼠鼠正常時都唔可以,好返都要戒口一段時間
3)有第隻鼠一齊就要分籠,因為會傳染既,而且俾藥都要分籠先俾到
4)保持個籠衛生
5)接觸鼠鼠之前之後都洗乾淨手,自己有唔舒服既就唔好接觸or靠近鼠鼠咁多.
6)鼠鼠有唔舒服係會特別怕人,都唔好打擾佢咁多
7)鼠鼠既用品同籠都要用動物專用既消毒劑消毒
8)密切留意下佢既排泄物變化,留意鼠鼠尾部會唔會成日濕晒,如果濕既話整乾淨又會唔會再瀉返,長期濕就可能係好嚴重既濕尾症.而濕尾症就多數好難會好得返,好快會死.最好就盡快要睇醫生.
9)肚瀉不止(2,3日左右)or瀉得嚴重,就最好去睇醫生啦
大圍珍禽異獸及寵物醫院 DR.TIGER/DR.LAM
Tel: 2687 1030 地址:大圍積信街75號地下
http://www.taiwaiexotic.com/
基本診金$290,藥及手術另計

平d可以睇愛護動物協會,但做手術既話,都可能會叫你睇大圍,因為設備不足.加上醫療車冇得揀醫生
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
診金百幾,藥及手術另計

2008-01-05 20:38:17 補充：
除非真係肯定鼠鼠對某樣食物敏感,如果唔係就唔建議立即轉糧,因為忽然轉糧已有令鼠鼠肚瀉既機會(新買鼠肚瀉都有呢個機會),鼠鼠而家肚瀉緊,又轉埋糧就增加風險如真係要轉,可以混d新同舊既食下先,慢慢再完全取代而且要留意,買既糧最好唔止一間鼠店買得到,以免到冇咩糧既時候,該店冇得買,咁就好麻煩了!我試過買一款糧,就係間鼠店冇晒貨,攪到要打好多電話,走好多地方,結果...都係買唔到,忽然轉糧始終唔太好既

2008-01-05 22:49:24 補充：
唔洗客氣1.絕對唔可以,橙衣係當鼠鼠便宜行事先食得,而家你既鼠鼠肚瀉,再食就會令問題惡化,而家除主食外,最多只可以俾白麵包or麥片佢食2.係生既米3.生既,冇野需要整熟俾鼠鼠食,但冇必要咁做,好多主食都會有栗米,又或有鼠專食成條既栗米,都係經抽乾而製,鼠鼠實在唔適合食用咁多水份既野,你既鼠而家唻講就更加更加唔可以亂食野4.都有機會,洗籠既時候大多數鼠鼠都會有呢個反應,而新鼠既問題更大,唔知你養左幾耐呢?初養頭2日既時候最好唔好打擾鼠鼠,唔係都有機會令鼠鼠受驚鼠鼠真係好細膽,因為冇咩自我保護能力,加上生理代謝同心跳快,有壓力就好易唔舒服

2008-01-06 00:35:29 補充：
養左7,8日都唔算好耐,慢慢唻啦,俾鼠鼠咬可以參考返以下我回答既知識A點:http://hk.knowledge.yahoo.com/question/?qid=7007102602840

2008-01-06 14:45:58 補充：
謝謝誇獎,唔洗唔好意思大概幾多粒就真係講唔到,糧有大粒細粒,唔同既鼠又有唔同既重量,一日大約需要食鼠鼠重既10%既糧,不過我覺得唔好去控制鼠鼠食幾多野會較好,鼠鼠習慣收埋野食,唔夠野食會令鼠鼠冇咩安全感,如果食唔飽仲有機會令血糖過低,所以我習慣一次俾大量食物俾鼠鼠,鼠鼠係知飽既,所以唔洗擔心鼠鼠食得太多,只要唔俾鼠鼠食零食,又有轉輪,玩具同足夠既空間,鼠鼠係唔易肥如果係買返唻先肥,你初買鼠幾日,鼠鼠仲係年幼,由買返唻至1,2個月(鼠鼠2,3個月大)呢段時間係鼠鼠成長既階段(開始成熟),會明顯地見到鼠鼠大隻左,小灰霸唻講,明顯大隻完之後就差不多大定,都要留意返係咪俾過零食鼠鼠食令佢肥

2008-01-11 21:00:00 補充：
首先好抱歉知道你既鼠鼠既離開,希望你唔好太難過第隻鼠全身濕,又或有其他異常既情況,除左唔可以俾第隻鼠同佢接觸之外,連用品都唔可以有交流or唔可以一齊洗,其實鼠鼠係獨居動物,唔會悶,所以唔需要帶佢同第隻鼠一齊玩唔知你既鼠同第隻鼠一齊玩既時候係在你既鼠籠定對方既鼠籠?定係一齊玩完之後係一齊住?可參考以下我回答既知識:http://hk.knowledge.yahoo.com/question/?qid=7007082000305如果你鼠鼠死既時候,係在濕身鼠既籠,有機會係A,C,D如果係你隻鼠去濕身鼠既籠玩一陣就返去自己一個住,則有C,D既可能

2008-01-11 21:00:10 補充：
受驚係有機會令鼠鼠死亡既,因為鼠既生理代謝同心跳快,有壓力就好易唔舒服,甚至休克,繼而死亡,冇咁嚴重既話都有機會誘發肚瀉,甩毛,濕尾症等問題

本人都有養倉鼠,都識少少嘅,
你嘅小灰霸應該係肚瀉,佢對呢種食物有敏感,唔好再俾佢食,
(因為我嘅倉鼠都有同樣情況),我依家用呢種,食咗二年都無野
我係呢間買嘅 : Q-PETS有22間分店 電話 : 21916238
我用嘅品牌 : Classic Hamster Food Nourriture pour bamsters
個袋主要係紅色,前面有一隻啡色倉鼠,仲有四種食物係面 $51 (大)
不過你去銅鑼灣總統商場下面個層個間都有得買
有間題就揾我啦 ([email protected])

正餐(主食)是瓜子, 種子