BB喂奶時間

hi ~

我個女開始就食奶粉,開頭就3個鐘一次, 到左佢2個月到, 因佢食量驚人,2個月食4安半,所以就每4個鐘一次,餵奶粉係唔可以食得咁密, 最好係每隔4個鐘一次 (餐與餐之間最少要隔4個鐘,唔係會好熱氣同好"野"啖) , 跟住就放係佢張床仔到, 唔好理佢, 佢鐘意玩又好瞓又好, 話之佢, 但每隔半小時就比少少清水佢 (如果佢冇瞓), 同佢換片片, 直到下一餐再餵

我覺得bb唔好哄佢瞓覺, 如果唔係就要哄先瞓, 到時自己會好煩同冇晒自己時間

其實係要咁。所以你最好乜都唔好理，其它事盡量交給其他人幫手做。
BB食完奶，你就把握時間同BB一齊睡覺。如果餵奶粉可以試下叫家人幫手開奶和餵一兩餐。如果唔放心，可以教屋企人做，自己睇住，放心了，便可以多個人同你分擔。
如果餵人奶，可以預先泵定放入雪櫃，到BB要食，家人可以把奶座暖餵BB食，咁你咪可以休息長一些時間。
我BB好似你個BB咁大，我仲要朝朝帶佢去醫院，下午或夜晚先有得帶BB返屋企。醫院姑娘好忙，所以自己都唔敢走開太耐。在醫院陪住BB，自己想睡覺都唔方便。每日又唔知幾點先出得院，所以要帶齊BB的東西，又要在醫院找地方泵奶。都咪話唔煩。
最慘有時真係無人幫到你，只好把握有人幫手的時候盡量休息。
加油呀！
終於明白母親的偉大。

我個仔都係咁！開頭都係3個鐘一次，d奶量又係咁加，直至加到5安(果陣差唔多係兩個半月)，我地開始試吓4個鐘先次，又得喎！起碼佢唔會兩個幾鐘又喊！餐與餐之間如果佢無瞓的話就比d水佢飲！不過你個bb仲咁細，係要3個鐘喂一次o架！等佢大d先轉4個鐘啦！做阿媽係咁辛苦o架啦！

1.在早上至中午可以不哄bb入睡,令bb習慣白天時間
2.當bb入睡的時候,自己一定要休息
3.如果你是餵人奶的話,bb是很快要餵奶
4.每餐中間可餵暖水
5.慢慢加時間,令bb習慣4hr
6.你可餵奶的時候,加多些水

個個bb都係3個鐘吃一次奶wor, 呢個情況會維持4個月