有關紅蓮燈魚糧問題

我唔敢斷言你ｄ魚糧冇問題，但係一般都係咁買o黎餵，除非你買左一罐變質架啦。樓上講水螆，但相信冇乜地方有得賣架啦，多數係得ｂｂｓ（豐年蝦ｂ），但比較貴，唔需要食到咁高級。o係考慮另買乾糧前，有以下要諗諗先：
１．唔好用氧氣珠，呃細路仔o野，冇用架。
２．水草唔夠光同co2唔夠，唔會造到足夠氧氣俾魚呼吸之餘，自己都生存唔到，一係養陰草（鐵皇冠、莫絲、水榕）啦
３．你用得氧氣珠，相信缸唔會大得去邊。你o個「一d紅蓮燈」有幾多？一包廿五條？我相信你新魚入缸前已有問題。睇下以下我o既舊答案做參考啦：

新缸其實入水後要任由運作濾水器運作一斷時間先會培養到足夠硝化菌，開始時只加一兩條魚，等佢地o既大小二便俾食物硝化菌，一兩個星期後，ｄ魚唔死，就表示硝化菌數量足夠，然後先可以慢慢逐少加魚。
唔好貪平買袋裝魚。袋裝魚一般死亡率高，因為你唔知佢入左袋幾耐，剛入袋都可能係一有貨到就即入，舟車勞頓，身體係會差ｄ。所以最好唔好買袋裝魚，特別係個袋冇乜氣，水唔清，魚唔精神o個ｄ。
買左後，要原袋放入缸五至十分鐘，等袋中水溫同魚缸水一樣。呢個步驟叫做對溫。
然後，可以先倒去袋中部份o既水（如倒到剩返四份一袋，但當然要視乎袋size 同魚o既數目），再慢慢加入魚缸水，加完隔五分鐘再加ｄ，等魚適應魚缸水質。呢個步驟叫做對水。加到係原袋水o既約三倍，然後將魚撈出入缸，袋水唔要，以免有病菌。
不應超養，一升水約養長度 1cm o既魚，因為魚o既屎尿都係有氮化物如阿摩尼亞，呢ｄ係有毒物質，水多就可以稀釋，但魚多的話，濃度就會增加得快，高到一個水平就會毒死魚。所以超養真係有性命危險。
濾水器要有生物環同生化棉，因為呢ｄ濾材有大o既表面面積俾硝化菌附著。硝化菌會將水中o既阿摩尼亞變成冇咁強毒性o既硝酸鹽，所以濾水器容納o既生物環愈多愈好，等硝化系統多ｄ菌住o係度。
濾水器o既作用，係用泵不斷將水泵過濾材，等硝化菌不斷處理廢料，最少一個鐘將全缸水循環六次。其他裝備，最基本係氣泵同氣石啦；怕停電，可以買乾濕兩用o個ｄ。仲有一盞燈，方便自己睇魚嘛，但唔好開足廿四小時，因為魚都要分日夜，要俾佢有得訓。冬天或者夏天冷氣開得勁的話，要有暖管，將水溫維持約廿五六度－－咁即係要有個溫度計啦。
平日管理，換水一星期最少一次，如上所述，要養水。大缸養唔到咁多水，你咁細個缸就唔好懶啦。每次換水量為一半至三份一缸。重點係集中吸缸底ｄ屎／屎粉。可以買一個手動泵去吸。換水時可以將過濾器o既濾材用抽出o既水沖一沖，等ｄ大粒o既垃圾清走即可，千萬唔好用水喉水，因為氯氣殺菌。白濾棉唔一定要換，黑哂先多菌呀！一樣用舊水沖下就得啦。
餵魚一日一次夠啦，放糧要三至五分鐘食得哂為準，少少餓唔會死，多多糧食唔完會爛，食得哂就狂痾，都會令水質差。要留意魚有冇我上面講揀魚時o個ｄ癥狀，有的話要用細缸隔離，用藥。

如果你唔想ｄ魚不停死，以上資料應該可以幫你再睇睇你ｄ裝備夠唔夠，飼養方法有冇問題。

紅電燈係可以不餵魚糧。通常養細魚多些水草。放石春落底。加氣泵。放置地方最好有陽光照到。買水之，一星期一次巳足。我養此魚都好多次。買多些，感覺他們死快的。因我住金魚街。此魚是食青苔和微生物。你給食物太多。你加一水底吸垃圾之器具。是用氣泵個隻。三寸左右大，以可以做到清潔?普通魚糧壓碎都可以。細罐都可。勿買溥件食糧,它另缸水燮壞。食物太多水易變壞。換水是需加盬。一尺X二尺.一湯匙盬。每天加二碗水。一星期抽三份一水。第一次加回六份水。第二天再加。使水質變化最小?