✔ 最佳答案
結他賣幾錢就答唔到你啦，
其他既就答到~~!!
1)電木用唔用jack線同amp都無所謂，
大唔大聲就要睇本身支電木既音箱設計大定細。
2)電木彈出既音色大致上同木結他既音色是差唔多的，
因結構上既設計兩者大致相同，會有音色上的唔同在乎於弦的選擇，
另外就同調較結他的習慣有關啦~!!
4)學電木要買齊咩，首先就一定要買支電木，
這一定是無錯的，如買唔到電木，可買民謠結他，
這亦是同電木相若的結他，點解??
因為之後可以再加木結他用既mic落去，
咁就同電木無咩分別啦，
電木最大功用是將結他聲經amp擴大，
而普通木結他亦可以由木結他用既mic將聲擴大。
唔明既問我啦，如果你有問題補充左的話，
請mail通知我，因為我好少返轉頭睇我答過的問題~!!!!
2008-01-06 01:09:12 補充：
5)有好大分別，電結他一定要經amp先可以有一般可接受的練習時要聽到的聲，唔經amp 的話，就要在好靜的環境先聽到~!!你話好效果，其實係透過一種過瀘器再出聲，呢種東西叫l“效果器(effects)”，最常見到人用既叫Distortion，而呢種effects係所有既amp都有，所以電木都可以用到，effects既原理係一邊in一邊out ，
2008-01-06 01:12:06 補充：
任何可發聲既jack線只要透過effects output後就會有唔同音效啦~!!例如唱歌用既mic插左effects後就會有唔同既聲出返，所以電木都可以用，不過較少人會咁用，另外effects是有幾百種音效，所以不能在這裡講得晒~~!!6)先講明，電木係無在點分咩結他，返而木結他就有分民謠同古典兩種，這要視乎你想玩邊類型既音樂，古典結他一睇就知係玩咩類型既音樂，而民謠結他就可以玩民謠之外，流行歌都可以玩，而電結他就更多野玩，可以玩搖滾、重金屬、流行......種類繁多不能一一介紹。
2008-01-06 01:12:40 補充：
一般民謠可以玩得較多既歌，是指平時聽開既歌都能玩到，除左要電結他先可玩既之外，所以你去學結他，可選擇電木 or 民謠結他，兩者在練習時都可以無須用amp都可以聽到聲。7)其實這方面好個人喜好，任何姿勢都可以彈，亦無分任何結他，訓係張床都可以彈，但切記，這裡所講的是指有經驗的人，初學者還是實實在在地坐好黎彈及練習，當上手後，可以用一個自己比較舒服的姿勢黎彈~!!
2008-01-06 01:13:18 補充：
ps.買結他一定要拎上手試，手感一定要自己覺得舒服，手及手指要唔會太難在指板上移動，仲有條頸一定要直，唔係指你條頸，係指結他條頸，最好有識既人同你一齊買會好D，唔係就將支結他好似槍咁，琴頭對外咁揸住睇有無彎左之類，大致上有注意這些問題後，支結他都通過這些檢查後，
2008-01-06 01:13:33 補充：
就可以買啦，有時表面可能會有少許花痕，若不是太利害而又不影響使用既，都可以考慮，當然價錢都要考慮啦，仲有，要注意買陳列品結他，因長期擺放的關係，有變色或其他隱藏問題，故此盡量唔好選擇這些結他，除非真係好鐘意啦，否則都唔好買，陳列係人人經過想試就會拎住試，都唔知有幾多人玩過，而每個不都未必係好小心咁放回，所以問題多多都會是這類結他居多。希望你能買到支岩心水既結他啦~~!!再有問題既，再搵我啦~!!!!!
