日本學剪髮

髮形師，日文係 「ヘアメイクアーティスト」（Hair make artist）。
東京有很多美容的專門學校都有得學，但係如果報讀的課程，一個星期的上課時間太少，是不能取得留學簽證的。（好似係要１個星期上課２０小時以上，唔係好記得．．．）而符合呢個條件的，都係一啲一年或以上的課程。
由於課程如此長，所以通常唔係只學Hair make，而係要學埋其他有關知識，例如化妝，個人修養，個人衛生，甚至係美容業的制度及相關法律，business營運管理等等。（不同的間學校會有不同之處）。
學費方面，以呢間為例　http://www.k-two.sc/course_hair_make.html
Hair make専科為期一年，全部費用合共大約１６０萬円。以現時１萬円大約等如ＨＫ＄７００計算，即係大約港幣１１萬。


專門學校的收生基本要求
１．日本語能力試二級或一級合格。
２ａ．中六或以上學歷　或
２ｂ．假如只有中五學歷，就要在日本的日文學校讀一年大學升學預備課程（唔係每間日文學校都有的），畢業便等同有中六學歷（只有日本承認）。


基本上專門學校係唔接受從海外報名的。
就算你搭飛機過去報名，由於你冇「外国人登録証」（相等於身分證），都係唔會接受你的報名。
想去讀專門學校，最簡單的方法係先去日本讀日文學校，獲得留學簽證，再取得「外国人登録証」之後才去報讀。
又或者，喺讀日文學校的期間，持有「外国人登録証」時，去報一啲短期的夜間課程。