關於高清電視接收既問題?

我首先想問清楚你...你目前係身處澳門,而又想睇無線的高清翡翠台,right?我知道澳門好多人用公共天線...但首先想問清楚,你果邊係咪可以接收到台灣或日本的電視節目?因為我知,有部份澳門用戶,將衛星電視及香港的數碼廣播以為係相同的事情...如果你係澳門地區用的話,咁個方法就跟香港收看方法完全唔同

2008-01-05 14:04:00 補充：
如果你平日收到台灣及日本的電視節目,我相信你所住的大廈本身係有衛星天線,所以可以直接收到台灣甚至日本的電視台,目前香港所推行的數碼廣播,正名係「數碼地面電視」,簡單講係地區性數碼廣播傳輸,雖然同樣係透過大氣電波進行傳送,但其接收及傳送範圍就局限於香港本土境內...由於並非使用衛星通訊傳輸,所以澳門要收到香港的高清節目,目前會比較困難...我自己從部份澳門的Forum,都曾經聽過有人可以收睇得到,但好似係通過其他轉駁站或者其他方法,直接將訊號從香港再傳送到澳門境內...詳細情況,我都無法子了解得到,因為我始終唔係身處澳門,亦無法子去睇佢地的接駁方法,可能你要向澳門的一些影音舖查詢了

2008-01-15 02:00:59 補充：
其實跟Full HD與否無關係...你要接收數碼廣播的訊號,咁就必定要使用機頂盒...不過,我反而想知,你係咪本身直接將大廈天線,然後駁落電視?還是,你本身屋企另有一個盒仔收電視,然後再經色差或HDMI等駁過去電視?因為如果你只係單純將天線駁電視,咁一定無可能解到數碼廣播的DMB-TH制式...後者,則可能大廈代你解左碼,再轉播比你...

2008-01-15 02:02:57 補充：
另一個問題...因為我真係唔熟澳門的公共天線系統,還有你們的電視通訊網絡...我聽過有人話澳門都有人睇到高清翡翠台,但佢地點樣做到就真係講唔到比你聽...因為香港都唔係太多地方,能夠收到訊號...澳門正常無咩可能收到...佢地點解搞得到,呢個真係神奇問題...

其實要睇睇你澳門接不接收到高清數碼廣播既信號, 如果你有高清電視都仲要有一個高清機頂盒先可以睇到數碼頻道. 而關於機頂盒的可以睇以下網址參考.

嗱，首先，如果你岩岩買左部高清電視機，就可以就敢睇啦。電視一定會有搖控制啦，睇吓有咩制可以咁囉。唔洗再用咩接收器。唔式既話，就問Ｄ百老匯豐澤等等既百貨公司咪搞點囉。