✔ 最佳答案
首先你到成田係14:25,如果你打算坐15:16的N'EX都可能係趕唔到,14:25係飛機到達的時間,仲要搞多10mins先會俾你地落機的.另外成田機場國外人過海關係好多人的,等45mins以上係好正常,所以你都未必趕到坐15:16的N'EX,尤其係宜家入境日本又要印手指模,咁應該更加唔會快左.除了過海關,取行李,你仲要搵坐N'EX的月台,買票,你仲第一次自由行,所以陌生情況下唔好咁樂觀!
如果你真係趕到15:16的N'EX,你買票時同個STAFF講你係去池袋的,如果佢俾張車票你係寫住池袋,咁你就一定可以唔需要出閘,只係去到新宿站就轉山手線去池袋就可以.不過你又係唔好以為只係轉月台係好EASY,如果無行李就真係好EASY,但有行李就真係好辛苦.新宿站總共有15個月台,大到不得了如果N'EX的月台對面就係山手線,咁你行過對面月台就得,但如果唔係的話就幾"甘",新宿站的月台自動電梯上左就無自動電梯落,要行樓梯先行,唔似HK的MTR,全個月台係貫通的,LEE個係上,咁行後D果個係落.你轉月台的話,要有心理準備係結果要自己抬行李落返山手線的月台
LEE個情況我親身遇過,情況比你更差,我係回程去機場,一個人總共34kg的行李要坐山手線去上野,入閘後先發現果段無自動電梯落,只有上,新宿站又任何時間都好多人,我唔想在樓梯抬行李阻住其他人上落,更加唔想死頂抬行李結果扭傷,唯有走去問d jr staff,佢地指我坐電梯去東京站,因為東京站係新幹線的大站,要方便旅客,所以自動電梯會多好多,結果我係去左東京站,轉車先再可以上返山手線去上野,東京之旅的最後行程係在東京地鐵內遊花園,實在意想不到!
圖片參考：
http://hk.yimg.com/i/icon/16/41.gif
14:55這班Limousine bus你都一定唔會趕到,唔好諗咯!
2008-01-04 22:58:41 補充：
如果你坐15:16的N'EX,車票只係去到新宿的話,咁你都唔需要特登出閘另外買票,可以去到池袋先,出閘時先同個STAFF補票都可以.但最大的問題都係在新宿站轉月台,成個新宿站,個個閘口都通唔到的,你在A閘口入,如果先發現無自動電梯,咁你係無CHOICE,唔出閘去搵另一個有自動電梯的閘口落月台的
2008-01-05 13:21:19 補充：
你不如去到成田出埋海關先決定坐咩車去池袋咁會好d,事實上過海關係預唔到時間的,你自己plan好幾點前出到機場,咁就坐咩車.如果係坐shuttle bus,根本可以即時買票的,到時都唔需要諗做咩開票手續.不過坐BUS有塞車的可能
2008-01-05 13:21:32 補充：
你有無諗過坐唔到N'EX就坐SKYLINER? 如果真係MISS左N'EX,咁可能坐SKYLINER會快過你等下一班N'EX.而N'EX同SKYLINER只係隔離個月台,去到睇下個時間表先決定坐咩車會省到時間其實宜家N'EX SUICA只係3500YEN,咁真係好抵用,不過SKYLINER的車費平過N'EX,所以只係考慮時間的問題而已
2008-01-05 13:56:30 補充：
雖然skyliner係要自己抬行李,但d車站會有自動電梯上落,咁抬行李都唔會太辛苦,最怕係要抬行李行樓梯!
2008-01-05 14:00:10 補充：
我所指skyliner要自己抬行李,係話去到上野站要抬行李轉山手線
