YOKI SIR 請分析133~~謝~~

我近排到比較忙，其實也不是比較忙，而是已經去到極點！因為年尾要衝次了！

所以近排冇乜時間睇住個市，但偶爾都會拿起部股票機〔襟〕吓！

啊！發覺今日大市升，招商中國基金（１３３）反而仲要跌？我到預計左今日可能有人問我點睇法！
圖片參考：http://hk.yimg.com/i/icon/16/10.gif


其實，我投資該股，一早是預左長線，所以我對股價唔係特別非常敏感，因為就算升，抑或跌，我手上都有咁多股放係度，賺或蝕，對我來說都是帳面數，跌左又唔係要我即刻畀錢出來，賺左又唔係真係有錢放入個袋！你可以說我手中有股，心目無股都得！相反，如果你是〔炒〕的話，你就可能是緊張些！

我主力做好我的正職，因為冇水，就算你係〔股神〕都冇用，無兵司令也！所以而家要積極去賺多些ＣＡＳＨ至實際！
圖片參考：http://hk.yimg.com/i/icon/16/3.gif


而家年尾，應該是趕埋年尾啲ＰＲＯＪＥＣＴ，而家距離農曆年仲有成個月，我已經有成４－５個熟客話定明年過左年就要開工，你話香港樓市得唔得？

以前啲客人好興問做乜做乜，要幾多錢，而家啲客人係唔會問我這個問題，而是你有冇時間，＄可能已是其次，可能佢地有＄左，亦都可能大家已經熟晒，知我唔會計貴佢，所以都費事問埋啲咁概問題！

言歸正傳，招商中國基金（１３３）隨左做星探之外，基本上講來講去都是吹〔折讓〕，吹〔ＮＡＶ〕！我查過晒，今日招行Ｈ股（３９６８），招行Ａ股（６０００３６），興業Ａ股（６０１１６６），大市，Ａ股市場都是升，基本上只股的資產就是這些，所以我絕不擔心！

如果以上所說的都唔掂，你先要驚！

反而而家又想再加碼添！

之前冇加注，當然係我冇銀啦，入一手成７皮，你估我個個月都淨到幾皮野咩，佢唔止幾皮，係要成７皮入一次，真係要儲番一陣錢先至可以入過！不過又過左兩個月啦，又開始有水到，我又開始手痕了！！
圖片參考：http://hk.yimg.com/i/icon/16/1.gif


佢跌就仲啱，又可以平啲攞！＄３３．Ｘ的價位，啱胃口了！

我最怕係Ａ股唔掂，即招行Ｈ股唔掂，招行Ａ股唔掂，興業Ａ股唔掂！但全部都唔係啊！而加招商中國基金（１３３）的股價是Ａ股上証Ａ５０００點的價位，招行Ａ股見＄３５左右的價位，你看現時上証Ａ而家係幾多？

我會幾時沽清１３３呢？我冇打算啊，當我有這個念頭時，可能是招商中國基金（１３３）不再持有招商銀行，而買埋啲我認為係〔廢〕既資產！

但而家手牌肯定唔係〔廢〕啊！

Take it easy ！！

YOKI WONG
圖片參考：http://hk.yimg.com/i/icon/16/1.gif










2008-01-05 10:12:10 補充：
打個比喻：招商中國基金（１３３）是一張餅卡，可以換一打西餅，這些西餅就是招商中國基金（１３３）的資產！那張餅卡自然是反映這些西餅的價值，西餅的價值上升，甚至連類似的〔唐餅〕的價格都是上升，再配合通漲因素（即大市上升），這張餅卡的價值有何理由是長期向下？要知這張餅卡是可以轉售，不是沒有ＭＡＲＫＥＴ！當然，招商中國基金（１３３）不是可以大家持有就可以去佢公司換番啲〔西餅〕，但道理是一樣！YOKI WONG

2008-01-08 21:25:55 補充：
如果興業銀行已是高位，再上的空間已經唔大的話，即是到左價，吐錢去做其他的高回報事情，自然是理所當然！

至於上唔上到＄５０，我認為１半１半，但應該起碼４字頭！

YOKI WONG