如果屋企大部分開支都是丈夫出, 還要比家用太太嗎?

其實無話公唔公平,如果你女朋友唔係大花筒就ok
我同男朋友一齊住,因為佢做sales收入唔係固定,但佢會將收入比80%我,有餘既當佢自己私己.
睇落好似我好著數,其實80%加我自己全份人工開支 : 交租,大家返工洗用,日常用品,出街,煮食,買什麼等等全數由我出,每個月大概都有3幾千餘錢.
我有時買餐好d既餸都過百,最緊要佢攞你錢之後真係煮比你食,做足協議既野
如果你好彩女朋友唔亂洗錢大花筒,咪當大家一齊儲錢比d安全感佢囉
如果你唔好彩佢係大洗既,佢出到聲比5500,咁又唔太過份,大家兩公婆咪比佢囉,但唔好咁易再加比佢.
祝你好運

家用應該兩公婆一同負擔, 其實兩個人生活, 只係食應該唔駛5500咁多, 現在你們只係預算, 點都要睇到時實際情況, 兩公婆一同生活, 要互想遷就及包容, 如果唔係點過下半世呀,
你地如果睇得錢仲重要過對方, 你地要想清楚有幾愛對方, 先好結婚.

好似我同我老公, 我薪金7000, 老公23000, 有一個小朋友, 每月所有開支都由我負責按時支付, 無錢我就會在老公的戶口提款(網上), 我會預留一d錢給自己, 不過唔會太多, 1000左右, 如果到月尾時, 發現唔夠錢付卡數, 就會在另外的儲備基金中提錢(我們都有儲錢的), 但我會同老公講, 今個月駛大咗, 大家要檢討吓, 你睇吓幫唔幫到你,....祝你好運....

我認為邊個搵得多邊個比多D係好正常. 供樓+水電煤雜費你比都應該, 但嗰5500我就唔太贊成...唔應該set死邊個比, 而係當時邊個有就邊個比. 例如出街食飯食蠋光晚餐貴嘅咁就你比, 但如果去大排檔or 老麥, 咁佢有時都可以比下架! 又或者在家煮飯仔買餸煲湯, 佢比下都得堵? 何必set死呢?
女人想要keep自己私己錢係正常, 你愛佢就唔應該介意. 但如果係佢堅持要你比唒但佢自己一個仙都唔肯出就有問題啦! 佢愛你就應該願意一齊分擔. 好似我自己咁, 我係女仔但搵得比男朋友多, 但佢都堅持要比一半屋租, 因為佢話:"家係大家都有份嘅!"

點解2公婆都要計來計去??? 一個正常男人,唔賭唔嫖,洗得幾多錢丫,我日日搭的士返工同食煙都唔係洗好多錢.老婆要你比..咪比囉..你唔想令佢開心咩?

其實屋企開支係2夫婦問題, 唔應該由你一個人比晒ge,
不過你地係2個人住, 定同屋企人住呢?
你同佢要唔要各自比家用屋企呢? 要比幾多?
其實都好睇以上2個因數ga,
如果女方係要比家用佢自己屋企ge, 起碼都要比2000la,
咁佢只係得6000剩, 咁女人都想自己留返個錢係身邊ge,
有安全感D MA.
其實我自己覺得, 15000 + 5500又真係太多ge,
家用就一家要比, 不過可以全部加埋, 比大約19000到la.

另外我想講GE係, 你有呢個問題, 其實你有幾愛佢呢?
一個人如果鍾意對方, 係唔會計較付出幾多, 同得到幾多ge,
如果要計, 咁呢段感情就唔方好得去邊la.
真係要諗清楚 or 傾清楚先結婚ar!

家用當要比太太...
薪金約為27000元, 供樓管理費水電媒等費用約為每月15000元,
27000-15000=12,000元.
太太約有8000元月薪.
比家用太太 = (12,000 - 8,000 ) / 2 = 2,000元.
日用品費用 & 餐費, 一人一次.
公平 !!!

我覺得一個家庭建立不能斤斤計較,
但我又覺得她也應該負責,
但她又不肯承擔.................

如她婚後你們有BB後又點算,
做男人真辛苦！

兩口子慢慢再商量吧！

一定有問題,不過....先商量,後打算.

係唔係你比唔夠安全感你太太,所以你太太作出一些家事性的調整.

一般來講,太太感覺溫馨同對你有信心.通常唔會發生這個問題,還會倒貼給你.

如果夫婦之間要用金錢來計算感情價值.
點計都係蝕.

所以先要攪清楚太太意向,你才好作出正確判斷,

搵得27,000,人都唔會蠢得去邊,發揮你男人工作既分析同判斷力啦

你喜歡就得啦!如果你想晚餐她煮的話,就比5500元。