如果一男一女拍拖，點先可以維持ｅ段感情耐ｄ？

無論我地點樣諗, 有幾多新鮮野可以做, 做任何事做足一年, 二年, 三年, 十年, 廿年, 邊會KEEP到新鮮吖, 你地依加拍拖, 可能一星期見幾晚, 但如果結埋婚, 日日見, 何來咁多新鮮呀, 如果你要求新鮮, 十年,廿年後, 就算你日日都有鮮野, 但日日見住同一個人, 到時求其一個女人望你一見, 都新鮮過你屋企嗰件, 你日日做唔同的事, 都係對事件有新鮮感姐, 都唔係對個人

但愛情唔係菜唔洗一定要新鮮, 如果你係要追求新鮮做咩要, 要求一段長久的感情, 其實維持感情不是要求對方, 而是大家都共識地降低要求到同一位置, 有時一段長久感情, 唔係對方比感覺你, 係你地2 個自己點KEEP住自己對對方的感覺.

溝通多D清楚對方多D, 會有幫助



我經驗唔係好耐, 同女友只係第一個相愛拾年, 但我相信會有廿年,三十年,四十年

樣樣野都慢d囉,
唔好冇d矜持,
樣樣野都話比就比,
唔好第1日拖手,
第2日kiss,
第3日做愛,
咁好快完

如果一男一女拍拖,對得太耐份情會淡,就係應該考慮分手嘅時間！呢種情況叫做"了解而分手"！因為對方是不適合你的。

真正深愛對方的愛侶,相處得越久只會越有默契,會視對方作自己的另一半,無論喜樂哀愁,都希望能和對方分享,只覺相會的時間少！若經濟能力許可就會結婚,目的就是要朝夕相對,共同生活,互相扶持,又怎會是對得太耐份情會淡呢？！！

如果你們初認識,不斷花心思取悅對方(給他驚喜、刺激),這是正常的,是拍拖的一個階段,是情趣。但當大家相處日久,雙方仍沒有默契,仍是要不停討好對方,才能維繫感情的話,你們這段情是不能樂觀的,勉強沒有幸福,分手較好！

我同男友都已經拍咗拖七年，
直至上年我哋都係差唔多日日見架，
不過因為今年轉咗工嘅關係，
唔係好多時間見面，
反而真係會有好掛住嘅感覺。
所以我諗比啲空間大家都係一個好辨法。

同埋我同我男友會有時送小禮物比大家，
唔一定貴重，
可能只係一款對方鐘意食嘅糖，
收到嗰陣，都覺得好sweet，好浪漫
會比對方覺得你真係有留意自己，
唔會因為耐咗就冇啲浪漫同誠意。

我睇過你答題記錄，估你應該係男仔

我其實最長o個次都唔係好長，希望可以用我失敗o既經歷俾意見你：

1. 間中送小禮物俾佢，但係切忌第一份係貴o野，以免佢將來比較；
2. 唔好提你以前oD女朋友，講壞話都唔好，你女朋友主動問除外；
3. 要令佢覺得你關心佢；
4. 小小毛手毛腳可以，但係唔好噤過份，要尊重佢；
5. 佢M到o個幾日，你要盡量遷就佢，即使佢無理取鬧都係；
6. 唔好成日都單獨約佢出街，你可以有時約一班人出o黎玩，約你oD friend又好，佢oD friend都好，咁大家拍拖先唔會噤悶；
7. 無需要經常出o黎見面（同學／同事除外），基本上一個星期見一次就得，最多一個星期見兩次，唔好再多（佢主動約你除外），要俾oD空間俾大家；
8. 對佢要有gentlement風度，盡量去細心，要好似你仲追緊佢咁樣；
9. 男仔有一樣o野通常都做錯，就係女朋友遇到問題o個陣，好想去幫佢解決問題，但係女仔並唔想男朋友咁做；你要做o既，係去聆聽，然後盡你能力去令佢叫道你明白佢o既感受，再加一兩句安慰就最好

有一本書叫做《男女大不同》，你可以睇睇

2008-01-04 14:54:45 補充：
見到你呢個post，我想再講多少少：你千祈唔好睇見到表面上你女朋友付出得少，就真係以為你女朋友o既付出係好少。需知道，你女朋友o既附出，可能對你o黎講只係百份之10，但係對你女朋友o黎講，可能已經係百份之百o既附出。更何況，你唔係成日跟住佢，你點知佢o係你背後，為你附出幾多？以前我都以為我女朋友唔係真係愛我，直至次我忍唔住發佢脾氣，幾乎講埋分手，同佢嘈得好勁，我先知原來佢o係我背後做好多o野，佢為我犠性o左好多，對比佢，其實付出少o個個係我。雖然最後都無分手，宜家感情仲好好，但係對於o個次發佢脾氣，我到宜家仲好內疚。希望你記住我呢段補充，對於你同你女朋友將來o既相處係好重要。

可以多啲約他出街o食飯.