✔ 最佳答案
A.只係話白色野,好難就咁肯定係咩,在鼠鼠身上會出現既白色野,大約有以下可能:
1)鼠鼠既尿如果呈白色既,就係太混濁要留意當中會唔會有血,排泄物會唔會有異常.帶血可能係膀胱or腎有問題,排泄物異常就可能係有肚瀉or便泌既問題
2)如果鼠鼠被真菌感染,都會令尿呈白色,鼠鼠同時會成日訓,皮膚紅腫,呼吸困難,肚瀉.
如果係咁就要馬上睇醫生,真菌會由空氣傳染,第隻鼠就算唔同籠都有可能被感染.同時要同鼠鼠既用品,籠用小動物用既消毒劑消毒.
呢個問題係因為膀胱有問題(會有血尿or排尿困難),壞左既食物引致既
3)如果你所講既白色,係在寵物既用品上見到,就可能因為鼠鼠既尿,浸住d膠,令d膠變白色
4)都有可能係精液
B.如果係精液既話,其實唔需要理會,鼠鼠會自行處理,但如果係以上講既1,2點,就要盡快處理了
C.男鼠發情時我就未見過都未睇過有書話會攪第隻鼠,一般都係會自行處理
會唔會整到落第隻鼠到就好難講,好難包保唔小心整到第隻吧?但應該都好少會咁,鼠鼠會自己直接舔返既
D.另外,其實鼠鼠最好分籠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
3) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
4)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶
2008-01-08 21:36:16 補充：
首先要分好係咪真係兩隻都係男鼠先,鼠鼠分男女方法可參考以下我回答既知識:
http://hk.knowledge.yahoo.com/question/?qid=7007091703765如果確定左兩隻都係男既話,就要留心佢會唔會有打交行為,一隻上另一隻既背都可以係打交就算真係精液,在下方既男鼠理應會反感,都好易打交
2008-01-11 12:56:55 補充：
唔洗客氣,唔麻煩^^可以分籠就好了,好多時打交實在唔係咁易被發現,鼠鼠半夜較活躍,俾人望實又未必會打,點都好,一籠一鼠真係會對鼠鼠更好,可以咁做真係感到高興如果你肯定佢地既動作係似交配,咁以你既經驗去睇,就係會,我細個D既時候都係一籠兩鼠,男同男鼠都試過好多次,但就未見過咁既情況,多數都係各自處理佢地自己既生理需要
