我想問如果想做歌手應該要有d咩條件?

做歌手一定要付出代價.每個年青人都係咁架啦!你唔努力,又邊有可能成功?但係,當係呢行耐咗,漸漸地會發現,原來只係得努力,都未必會成功呢!要有好多因數配合的!

做歌手,最基本嘅就係擁有一把靚嘅聲底,呢D係天生嘅!就算後天點努力都無乜用.

有無聽過人地講「五音不全」?我真係聽過D五音不全的朋友們唱歌....真係好恐怖!最慘就係通常呢類朋友,係最鍾意“獻唱”,同佢地去唱K,佢地一定要揀一間有琴師現場伴奏嘅K場;仲一定要坐大廳!我通常都係縮埋一二便飲嘢,我係唔會唱嘅!(大佬,日唱夜唱,你估把聲唔攰架咩!留番把聲要嚟穩食架嘛!)當佢地唱完,就會第一時間走埋嚟問你 : 我唱成點呀?得唔得呀?...此時,我通常會比佢一個好完美嘅答案 : 有進歩喎!

另外仲有拍子感,音樂感,可能有好多朋友唔知係乜嘢!可以好簡單咁講,當一首歌奏起時,身體會不期然,跟住音樂節奏郁,有人會輕輕踏地、有人身體會左右搖擺、有人會手拍大腿,有人會點頭...種之,各式其式.這就是最基本嘅音樂感,至於拍子感,係指先由歌曲旋律去令身體正確擺動或心內數數目,去點出三拍、四拍、五拍、十二定十六拍歌,從何時進入,何時停......唔明白?有難度?...係!真係幾難!

至於其他,共鳴感、呼吸位、用氣.....也不多講,除非你也想成為職業歌手!

係呢行,你想有多D嘢做,只靠“唱得”係唔夠嘅,呢個行業主要係講 : 聲 、 色 、 藝. 聲即聲線;色即樣貌及身形;藝即才藝、技巧.

另外,有某些人仲講埋“埋堆”“人事關係”“手段”“利用價值”.......才博得密密麻麻的工作....好諷刺係咪?

寫到呢到,突然間醒起,前輩甄妮小姐的一番話 ,大約係指現今香港樂壇好多「歌星」都唔識唱歌,請發掘真正識唱歌的人!

老實講,我真係好佩服佢!甄妮小姐唔只單係唱得之人;我並且佩服佢,敢講出口呢下的勇氣!也是我心裡面嘅說話!

吳怕羞,聲線好,樣貌要ok
另外,當然還要熱愛音樂啦~