發現老公出面有女人,差不多半年!(可能不止)要繼續扮傻?還是揭穿她?
2008-01-03 11:18 pm
當初問他是否有第三者,他不承認!一逼之下,他說我倆唔夾,做回朋友,他並說當我有能力時搬出去住,他也會搬出去住,又沒有提出離婚,都唔知佢在想什麼?但我也發現個女人不斷和他有見面和send短信,還已幫她租了地方建立了另一個家,近這兩個月亦開始過錢到這女人戶口,而他也有回家瞓(一星期有一至兩天唔返嚟瞓),我真的不知應該點做?還等他回心轉意?還是我要放棄這七年婚姻嗎?想起當時他講出傷盡我心的說話和黑口黑面,現在他面口又好似好過之前少許,但住在同一間屋,他不會主動和我傾計,我個腦很亂,都不知和他日後會變成點樣?若出聲揭穿,又怕他會有籍口的機會,提出和我離婚!但不出聲,又怕他和出面個女人繼續來往,發展到什麼程度,我又是什麼角色呢?(個現況好像她是正室)..唉..請各方朋友,給些意見參考!謝謝!
回答 (12)
2008-01-03 11:34 pm
✔ 最佳答案
首先要知你們的每個人狀況。年齡、學歷、專長、有冇子女。各自家庭背景。經濟狀況。感情問題的下一個問題是很實際的分開後的生活問題。不是單單你倆的問題。有冇找社工談及此。他們是比較實在、中立和有建設性。
2008-01-05 00:29:09 補充：
有工作和未有子女還容易些善後。趕快請教婚姻輔導機構。教會的比較易找。祝你好好的平心靜氣地去解決問題。不要拖。時間愈拖對你愈不利。
2008-01-05 00:33:23 補充：
最理想的婚姻是互相都用心去愛對方。對方愛你更多亦好。你愛他較多時便容易出事。
2008-01-07 00:23:27 補充：
還是個句，趕快請教婚姻輔導機構的社工。他們是專業，中立，冷靜，周全。最重要的是即時回應你的問題和有正確方向判斷力。
2008-01-12 12:18:19 補充：
我很認同minicooper 和 fanny 的說法。認真分析自己的心態(最好由專業社工幫手)，才作打算。
參考: 老年人的經驗
2008-01-19 9:42 pm
愛自己多些不要幫他找籍口
2008-01-18 11:57 pm
每當一對男女朝見口,晚見面時,每做一件事都像工式化半.生活就會失去動力.沒有動力.所以事情都會慢落黎,就像一部車輛每當屎用者盡力去駕駛.到最後都會因為太疲累而停下來.所以凡事應該懂得停一停.离婚之後.你自已會點,一個人生活,識個另一的個?你都三張幾,,搵唔搵到另一個將來陪你到老丫就算俾你搵到又點者,甘大年齡多數都係搵到0的出黎玩玩下的男士.同你而家的老公,有乜0羊分別尼?一個唔愛你的男人(你先生),無左個橙得返個桔.唔通你甘心做佢個桔0羊,女人要站起來,從新再過新生活
2008-01-05 9:48 pm
我都係過來人, 當時情況比你更差.... 但最後都捱過左
而家最重係,要問你自己重愛唔愛你老公,如果愛,就要努力, 加油呀
我相信你老公而家內心好矛盾,及鬥戰中,未輸哂架,所以要把握機會搶回你老公的心
要打底敵人,首先要了解下,點解你老公會咁做,盡量比多些新鮮感你老公,做一些他估不到的事.但最重要要表現得開心些,不要黑面呀
如果最後失敗,但起碼你已經盡力及對得起頭家,對得起自己.不要唔開心呀
而家最重係,要問你自己重愛唔愛你老公,如果愛,就要努力, 加油呀
我相信你老公而家內心好矛盾,及鬥戰中,未輸哂架,所以要把握機會搶回你老公的心
要打底敵人,首先要了解下,點解你老公會咁做,盡量比多些新鮮感你老公,做一些他估不到的事.但最重要要表現得開心些,不要黑面呀
如果最後失敗,但起碼你已經盡力及對得起頭家,對得起自己.不要唔開心呀
2008-01-04 10:53 am
比個機會自己比個機會老公囉
繼續做自己本份 既然已經知佢出面有女人 踢唔踢爆佢分別唔大
踢爆佢隨時重會因為覺得連你都呃唔到冇面而發脾氣走左去
反正你地冇仔女 唔使擔心呢樣野啦已經
順其自然啦 人若然要走你做乜都留唔住 倒頭來更加傷心既咪又係自己
講真 呢一刻你真係要比定個心理準備自己 隨時離婚
就算今次佢返黎你身邊 難保唔會有下一次
繼續做自己本份 既然已經知佢出面有女人 踢唔踢爆佢分別唔大
踢爆佢隨時重會因為覺得連你都呃唔到冇面而發脾氣走左去
反正你地冇仔女 唔使擔心呢樣野啦已經
順其自然啦 人若然要走你做乜都留唔住 倒頭來更加傷心既咪又係自己
講真 呢一刻你真係要比定個心理準備自己 隨時離婚
就算今次佢返黎你身邊 難保唔會有下一次
2008-01-04 1:51 am
睇得出你重好愛你老公，既然你唔想同你老公分開，可以盡自己既能力去挽救，到最後都無轉機既時間，你自自然然會放棄。你同你老公拍拖到結婚，大家相處既日子都唔短，你應該比出面既女人更加了解你老公，你係哩段時間唔好拆穿佢，盡量做到自己最好，做一個好老婆，盡量唔好因為佢出面有女人哩件事，令到大家成日都處於冷戰既局面，比我係男人，我都唔願意成日返到屋企見到一個經常愁眉苦臉既女人。係哩段時間可能就算你對佢幾好，佢都可能會無咩反應，但始終你地都係相愛過，如果佢對你重有感覺既話，佢都會反省一下自己，但如果佢對你已經無左感覺，你做D咩都會一樣。所以如果你可以忍到既話，可以盡自己既能力，利用同佢相處左咁多年既了解去挽留一下哩段婚姻，到最後到真係忍唔到，已經死心，有晒心理準備既時間先再拆穿佢啦!可能你地7年既婚姻比較平淡，所以佢一遇到引誘既時間，佢就覺得好有新鮮感，未必完全對你係無感情架!男人就係咁衰架啦。唔好灰心呀，希望你老公有一日會知錯，返去你既身邊啦。
2008-01-04 12:20 am
我覺得 2 睇 , 如果你有小朋友既仲細咪等你有經濟能力先 , 一係就即時離婚叫佢比善養費 , 長痛不如短痛 , 我咁講係好似好衰 , 不過好過你成日對住你老公扮傻咁辛苦
2008-01-04 12:03 am
1你有子女嗎。你住宅是你們嗎。你有獨立工作能力嗎。你幾歲呀。你想另嫁嗎。如不想。即去進修。否則臨尾香。現時不好穿煲。利用他資源供自己進修。爆煲他視無忌大。日日不回來。你就輸比二奶。你們有注册嗎。服你白忍耐力
圖片參考：http://hk.yimg.com/i/icon/16/34.gif
圖片參考：http://hk.yimg.com/i/icon/16/34.gif
2008-01-03 11:24 pm
揭穿她la!
收錄日期: 2021-04-13 14:51:57
原文連結 [永久失效]:
https://hk.answers.yahoo.com/question/index?qid=20080103000051KK01467