黃昏的沙田 20分

作文真係要靠自己諗架...
不過我可以比D方向你...等你可以諗得順D o既

其實題目非常簡單...一眼就可以睇到
重點寫景...黃昏+沙田
而你老師比得哩條題目...即係相信你地對沙田都有一定認識
500字 即係你起碼都中四啦

咁相信你都明白 寫作技巧 「移步法」...
意思即係文章結構由你腳下起點一直描寫到文章結尾
哩個方法相信會令你o既文章更有結構 及 加分

首先我建議你 沿 城門河畔開始寫啦...
如果你學校位於沙田區...可以文章開首話你放學...
因為3-4點到黃昏日落就已經好合理

主要由城門河畔描寫...先寫河四周景色...要小心一點...是黃昏景色
千祈唔好寫一D...早上又有下午又有晚上又有o既野...咁文章就會變左無特色
咁你可以諗下點描寫夕陽投在河水上...之類...形容請一定要正面
唔該唔好講條河幾臭...會破壞整個文章
咁哩篇側重景色描寫...所以我建議大約 60%可以描寫景物
剩下的40%試試描寫河畔四周行人活動...
好似有老人釣魚...阿媽拖住小朋友剛剛放學...
如果作文功力許可....建議分為 男女老少 等分別去寫
又或者話有情侶 倆小無猜在倚偎...
總之作文....七成真三成假...你諗到覺得合理都可以寫...
總之令到個作文 RICH D...
頭先講過要用移步法...所以你要記住講你行到邊就見到乜
如果無交代你移動...咁你文章就會變左「定點描寫」...

最後收尾可以話你行到一個地方...比如「新城市廣場」
再回首望一下夕陽...又描寫一下...河水會唔會有唔同呢?夕陽又點呢
落左一下就點呢...天空又點呢...之類之類啦...

好似講多左D...ANYWAY...加油啦~~
描寫文要用幻想+你見過o既靚野+真切見到...+好靚o既修辭文字 = 好的描寫文
一切都係慢慢練習o既經驗...所以練習...不要懶

唔使唔該
功課自己去做喇
用吓個腦諗就得架啦
腦唔去用就會「老大徒傷悲」架啦!
圖片參考：http://hk.yimg.com/i/icon/16/43.gif