✔ 最佳答案
前面兩位,小弟嘅軍事知識都唔算好喇,只不過想引起啲高手發表吓遮。順便你哋都學吓嘢喇。
ACU 全名係 Advance Army Uniform,即係「先進陸軍制服」,係一種數碼化嘅新一代美軍全地形作戰制服,原設計係除咗要取代陸軍嘅 BDU 同 DBDU 之外,重要取代陸戰隊嘅 MARPAT 數碼迷彩。但基於陸戰隊有極大回響,所以仍我行我素用緊 MARPAT。
ACU 在競標時嘅對手係 MultiCam,樓主應知得比前面兩位更清楚。相信亦有記得答過你 MultiCam 時嗰個連結,見識過 MultiCam 同 BDU 嘅比較。
雖然驟眼睇好似唔湯唔水,但其實 ACU 同 MultiCam 嘅全地形掩護色在日間係不相上下。我相信美軍取 ACU 捨 MultiCam 嘅原因係因為佢嘅數碼化設計。因為夜間時 ACU 能比 MultiCam 更有效在夜視器材中「隱身」。
不過..........小弟最唔明白係,美軍現用嘅模組化 Molle 系統,在 ACU 表面打咗好多條橫帶,令整件上衫有成 20 至 25 巴仙被遮蓋起!咁數唔數碼、全唔全地形又有乜分別?!
希望有高人指點!